Црна хроника
Охриѓани нападнале полицаец оти побарал возачка
Охридската полиција поднесе кривични пријави против тројца жители на охридското село Велмеј бидејќи нападнале полицаец кој му побарал возачка дозвола на еден од нив.
Во вторникот рано наутро околу 4 часот на булеварот „Туристичка“ сообраќјната полиција којашто извршувала плански сообраќајни контроли запрела автомобил „опел вектра“. Полицајците му побарале на возачот возачка дозвола, но тој излегол од автомобилот и почнал да се однесува агресивно. По него излегле и двајцата сопатници од автомобилот. Возачот физички го нападнал полицаецот со неколку удари со раце и нозе по телото. Во нападот се вклучиле и сопатниците кои исто така го нападнале полицаецот.И покрај активниот отпор, набрзо тројцата напаѓачи биле приведени и лишени од слобода и по брза постапка предадени на Основното јавно обвинителство во Охрид./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.