Европа
Франција повикува на смирување меѓу Турција и Холандија, Ердоган гневен
Францускиот министер за надворешни работи Жан-Марк Ејро повика во неделата на „смирување“ на дипломатската криза меѓу Турција и Холандија, којашто ден претходно им забрани на турскиот шеф на дипломатијата и на министерката за социјална политика влегување во земјата, но судејќи според зборовите на турскиот претседател Реџеп Тајип Ердоган, Холандија „ќе ја плати цената“ за своето однесување.
„По повод моменталните тензии меѓу Турција и неколку земји членки на Европската унија, Франција повикува на смирување. Ги повикува, исто така, турските власти да ги избегнат ексцесите и провокациите. Неопходно е да се покаже одговорност и да се избегнат бесполезните полемики“, се наведува во писмената изјава на шефот на француската дипломатија Жан-Мар Ејро.
Германија, Холандија, Австрија и Швајцарија одбиваат на своја територија да им дозволат на турските министри да учествуваат на собирите за поддршка на уставните реформи за кои ќе се гласа на референдум на 16-ти април, а се однесуваат на зголемување на овластувањата на претседателот на државата.
Холандската влада во саботата го забрани слетувањето во Ротердам на авионот со турскиот министер за надворешни работи Мевлут Чавушоглу, кој планираше во саботата вечерта да се обрати на сонародниците, а турската министерка за семејство и социјална политика Фатма Бетјул Сајан Каја којашто со автомобил од Германија допатува пред конзулатот во Ротердам, холандската полиција не ѝ дозволи да влезе во дипломатската мисија и ја врати во Германија.
Турскиот претседател Реџеп Тајип Ердоган поради таквото однесување ја предупреди Холандија дека „ќе ја плати цената“. „Тие секако ќе ја платата цената и ќе научат што е дипломатија“, додаде. Притоа Ердоган ја обвини за „дрско“ однесување и се закани дека и самиот ќе патува на собирите во странство.
„Западот јасно го покажа своето вистинско лице последните неколку дена. Тоа што го видовме… е јасно покажување на исламофобијата. Реков оти мислев дека нацизмот е завршен, но згрешив. Нацизмот е жив на Западот“, истакна Ердоган и ги повика меѓународните организации да ѝ наметнат санкции на Холандија.
Франција му дозволи на Чавушоглу во недела да учествува на сличен собир во Метц, на северот од земјата. Швајцарија, пак, не му дозволи да се појави на неделниот собир во Цирих.
Ердоган поради тоа ѝ се заблагодари на Франција. „Франција не ја заведоа такви игри“, рече турскиот претседател.
Ејро појасни дека станува збор за слобода на собирањето и правото на изразување, како и дека не постои безбедносна или закана за јавниот ред и мир поради кој споменатиот собир би требало да биде забранет.
Во Франција живеат околу 700.000 Турци. Право на глас имаат 70.000 од нив, а вообичаено гласаат околу 60 отсто./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.