Европа
Турција му забрани на амбасадорот на Холандија враќање во Анкара
Турција нема да му дозволи на холандскиот амбасадор во Анкара да се врати во дипломатското претставништво сé додеа неговата земја не дозволи одржување на собирите во неговата земја на кои ќе учествуваат и турски политичари, објави во понеделникот вечерта заменикот турски премиер Нуман Куртулмуш.
По седницата на владата, вицепремиерот Нуман Куртулмуш изјави дека Турција го прекинува политичкиот дијалог со Холандија на високо ниво, по одлуката на владата на оваа земја членка на Европската унија и турски сојузник во НАТО да им забрани на двајца турски министри да влезат во земјата и да учествуваат на собири на турската дијаспора во кампањата за референдумот на 16-ти април на кој ќе се гласа за уставните измени со коишто би се прошириле овластувањата на претседателот на турската држава.
Прецизираше дека тоа се однесува на средбите на високо државно ниво со Холандија, односно на настани на министерско и на повисоко ниво. Куртилмуш додаде и дека Анкара го затвора својот воздушен простор за холандските дипломати сé додека Холандија не ги исполни барањата на Турција.
„Одлучено е дека, сé додека не се исполни она што им го кажавме, на холандскиот амбасадор нема да му биде дозволено да се врати“, рече Куртулмуш на прес-конференцијата.
Холандскиот амбасадор во моментов се наоѓа надвор од Турција, а неговата функција ја извршува вршител на должноста.
Според турскиот вицепремиер „Холанѓаните го нападнаа меѓународното право“, а активностите на оваа земја се сведоштво „за падот во Европа“. Куртулмуш, исто така, му порача на турскиот парламент да се повлече од сите спогодби и други видови на соработка меѓу Анкара и Хаг.
Претходно во понеделникот вечерта во својот телевизиски настап, турскиот претседател Реџеп Тајип Ердоган ѝ се закани на Холандија со дипломатски санкции и порача дека поради забраната на турските министри да влезат во таа земја и да присуствуваат на собирите на турската дијаспора ќе се обрати до Европскиот суд за човекови права.
Холандските власти во саботата му забранија да слета на аеродромот во Ротердам на авионот со кој патуваше турскиот министер за надворешни работи Мевлут Чавушоглу, кој планираше пред тамошните Турци да ги објасни уставните измени на коишто ќе се гласа на референдумот на 16-ти април. Во Холандија живеат околу 500.000 турски имигранти и нивните деца, а повеќето имаат двојно државјанство и можат да гласаат во двете земји.
Подоцна во саботата холандските власти ѝ го блокираа приодот до турскиот конзулат во Ротердам и на министерката за семејство и социјална политика на Турција, Фатма Бетјул Саијан Каја, а потоа холандската влада ја прогласи за „непожелен странец“ и со полициска придружба ја проследија до границата со Германија, од каде што таа влезе на холандска територија.
Холандија, Германија, Австрија и Швајцарија им забранија на турските политичари да учествуваат на собирите на турската дијаспора, којашто е една од најголемите во светот и во Европа, но Франција му дозволи на шефот на дипломатијата на Турција да учествува на таков собир во неделата во градот Мец. Притоа Чавушоглу ја нарече Холандија „престолнина на фашизмот“.
Турција во дипломатската нота ја обвини Холандија дека ја крши Виенската конвенцијата за дипломатски и конзуларни односи. Министерот за прашања од Европската унија, Омер Челик, изјави дека Анкара „несомнено“ ќе воведе санкции во однос на Холандија во заднината на разгорениот дипломатски скандал./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците: Соборивме авион за да можеме да разнесеме подморница
Безбедносната служба на Украина (СБУ) објави дека соборила модернизиран поморски извидувачки авион Ил-38Н „Sea Dragon“ во руската воздухопловна база во Јејск, како дел од подготовките за напад врз руска подморница во градот Новоросијск.
„Ова е авион дизајниран за поморско извидување, пребарување на подморници, следење на морски површини, поставување мински полиња и извршување напади со торпеда“, соопшти СБУ.
Според украинското разузнавање, погодениот Ил-38Н активно дејствувал против украински поморски беспилотни летала. Проценетата вредност на авионот е околу 24 милиони долари. СБУ истакнува дека Русија имала само еден авион од оваа класа во Црното Море способен да го открие украинскиот подводен дрон „Sub Sea Baby“ додека се движел кон својата цел.
Онеспособувањето на леталото, тврди УСБ, овозможило успешно спроведување на главната фаза од специјалната операција, експлозијата на руската подморница од класата Варшавјанка.
„За напад врз Ил-38Н, УСБ користела современ дрон со боева глава за површинска детонација опремена со 2.000 фрагменти насочени надолу. Детонацијата се случила директно над главната опрема и радарскиот оддел, а моторот бил оштетен“, објави украинското разузнавање.
УСБ претходно објави дека на 15 декември, за прв пат во историјата, руска подморница била уништена со употреба на подводни дронови „Sub Sea Baby“. Нападот во Јејск, според украинските тврдења, бил клучен предуслов за успехот на операцијата.
Европа
(Видео) Нова експлозија во Москва во близина на местото на кое пред два дена беше убиен генерал
Експлозија што се случи синоќа во јужниот дел од Москва уби три лица, вклучувајќи двајца припадници на руската сообраќајна полиција, соопшти Рускиот истражен комитет.
Според официјалното соопштение, двајца полицајци забележале сомнително лице во близина на службено полициско возило. Кога му се приближиле за да го идентификуваат и да го приведат, била активирана експлозивна направа.
„Двајца полицајци и едно лице кое било во нивна близина починале од повредите на местото на настанот“, се вели во соопштението на Истражниот комитет. Експлозијата се случила во густо населена област на градот. Членови на Истражниот комитет, полицијата, Росгвардија и службите за итна медицинска помош остануваат на местото на настанот.
🇷🇺🇺🇦 Moscow appears hit by another terror attack
An explosion in southern Moscow killed three — two police officers and an unidentified suspect
Officers noticed a suspicious person near their patrol car overnight, but as they moved to detain them, an explosive device detonated… pic.twitter.com/K5Jpeu9OJD
— The Other Side Media (@TheOtherSideRu) December 24, 2025
Руските власти потврдија дека е отворена кривична постапка. Најавено е дека ќе бидат спроведени неколку форензички вештачења, вклучувајќи медицински и експлозивно-технички вештачења, за да се утврдат околностите на инцидентот, видот на експлозивната направа и начинот на нејзино активирање.
Државното обвинителство ја презеде истрагата. Сè уште не е објавено дали третото лице кое загинало било напаѓач или дали постои врска со организирани структури или политички мотиви.
За потсетување, пред два дена, рускиот генерал Фанил Сарваров беше убиен во експлозија на автомобил-бомба во Москва, во близина на местото каде што се случи и синоќешната експлозија, а ова беше трет случај на убиство на генерал во Москва за една година.
Европа
Папата: Русија се чини дека го одбила барањето за примирје за Божиќ
Папата Лав XIV повика на еднодневно божиќно примирје низ целиот свет вчера вечер, без да спомене никаков конкретен конфликт, но изразувајќи жалење што „Русија се чини дека го отфрли барањето за примирје“.
„Ја повторувам оваа молба до сите луѓе со добра волја да одбележат барем еден ден мир на овој празник на Рождеството на Спасителот“, рече Папата додека ја напушташе својата резиденција во Кастел Гандолфо, во близина на Рим, пред да се врати во Ватикан.
„Можеби ќе нè послушаат и ќе има 24 часа мир низ целиот свет. Она што особено ме растажува е фактот дека Русија се чини дека го отфрли барањето за примирје“, истакна тој.
Лав XIV ќе ја прослави својата прва божиќна миса по изборот за Папа пред да го одржи својот традиционален благослов „Urbi et Orbi“ напладне во четврток, во кој папата традиционално ги разгледува конфликтите низ целиот свет.
Апелација ја зголеми затворската казна за двајцата директори поради пожарот во модуларната болница во Тетово
Апелационен суд Гостивар ја преиначи пресудата за случајот со модуларната болница во Тетово и на двајцата обвинети им ја зголеми...
Бугарија понуди мазут за Македонија, од Владата уверуваат дека не е потребна надворешна помош
Бугарија ѝ понудила на Македонија итни залихи на мазут, со цел да помогне во надминување на кризата во снабдувањето со...
Мухамет Хоџа и Беким Сали се новите министри во Владата
Собранието ги избра Мухамет Хоџа за министер за животна средина и просторно планирање и Беким Сали за министер за европски...
Вработените во Народниот правобранител алармираат: Се наоѓаме во безизлезна состојба
Вработените во Народниот правобранител и двајцата преостанати заменици на народниот правобранител велат дека се наоѓаат во безизлезна состојба и дека...
Николоски: Владата ќе донира 100 нови комби-возила за „Пошта“
Работиме за Македонска пошта како државна пошта конечно да ја издигнеме со квалитет и да обезбедува најквалитетни услуги на пазарот....
Мицкоски со порака до граѓаните што заминале во странство: Каде и да одите, колку и да сте успешни, таму секогаш ќе бидете дојденци
Вашето враќање е порака дека Македонија не е заборавена, корените не се пресечени и дека љубовта кон домот не исчезнува,...
Наќе Чулев: Незаконски бев отпуштен од работа, со години трпев јавно понижување
Поранешениот директор на Агенцијата за разузнавање и министер за внатрешни работи, Наќе Чулев, објави дека судот донел пресуда во негова...
(Видео) „100 милиони евра загуба – кој профитира од увозот на струја“, прашува Димитријевиќ
„Наместо да ги покачи платите и пензиите, власта ја покачи сметките за струја, удри по стандардот на народот. Државата нема...
Вонредни екипи ќе ги читаат броилата за време на празниците и викендите
Зголемен е процентот на отчитување на броилата на 95% на тримесечно ниво (на 90% на месечно ниво), таргетирани се 10.000...
Нов дефокус, сега Бугарите се криви за покачувањето на струјата, велат од СДСМ
„Ги слушаме претставниците на ВМРО Ванчовистичка во јавните настапи како зборуваат за внесување на Бугари во Устав. Дали сега за...
Андреј Жерновски, симбол на неуспех и директен учесник во скандали и предавство на националните интереси, не е и не може да биде нов лик на СДС, велат од ВМРО-ДПМНЕ
СДС може колку сака да го претставува новоформираното партиски раководство, како кадровска реформа и „нова“ сила, тоа не поминува. Реформа...
„Една од институциите во која видни партиски лица од СДС и ДУИ си ги сместувале своите најблиски е ‘ЕСМ снабдување со топлина’, велат од ВМРО-ДПМНЕ
„За СДС и ДУИ ништо не било свето. Институциите ги гледале единствено низ призмата сместување во топлите и удобни фотелји...
Додека граѓаните плаќаат најскапа струја, власта се правда дека покачувањето е минимално, велат од партијата Левица
„Наместо покачување на платите и животниот стандард, граѓаните од јануари ќе плаќаат повисоки сметки за струја, благодарение на немањето визија...
„Две моќни одлуки со кои се нанесува директен удар врз хаосот и долгогодишната небрежност во јавното здравство“, велат од „Влен“
„Вчера, на седницата на Владата, беа донесени две моќни одлуки со кои се нанесува директен удар врз хаосот и долгогодишната...
(Видео) Украинците: Соборивме авион за да можеме да разнесеме подморница
Безбедносната служба на Украина (СБУ) објави дека соборила модернизиран поморски извидувачки авион Ил-38Н „Sea Dragon“ во руската воздухопловна база во...
(Видео) Нова експлозија во Москва во близина на местото на кое пред два дена беше убиен генерал
Експлозија што се случи синоќа во јужниот дел од Москва уби три лица, вклучувајќи двајца припадници на руската сообраќајна полиција,...
Папата: Русија се чини дека го одбила барањето за примирје за Божиќ
Папата Лав XIV повика на еднодневно божиќно примирје низ целиот свет вчера вечер, без да спомене никаков конкретен конфликт, но...
(Видео) 12 дрона соборени длабоко во Русија, остатоци од еден предизвикаа пожар во објект
Над Тулската област, која се граничи со Московската област на север од земјата, руската воздушна одбрана уништи 12 украински дронови,...
(Видео) Експлозија во дом за стари лица кај Филаделфија: најмалку двајца мртви, се стравува дека има повеќе
Две експлозии и пожар, очигледно предизвикан од истекување на гас, го зафатија домот за стари лица во близина на Филаделфија,...
Влада: Донесена е одлуката за прогласување на кризна состојба во траење од 7 дена поради неможноста за набавка на мазут
Владата на денешната редовна владина седница, на предлог на Управувачкиот комитет за координација и управување со системот за управување со...
