Скопје
Најстарата скопска општина Кисела Вода одбележа 59 години од формирањето
Уште од раните утрински часови во неделата започна одбележувањто на 59-годишнината од формирањето на најстарата скопска општина – Кисела Вода. Симболично, случувањата започнаа со најмладите жители на општината, при што градоначалничката Билјана Беличанец-Алексиќ додели 25 ваучери во вредност од 6.000 денари на семјствата кои имаат новороденчиња.
Уште од раните утрински часови во неделата започна одбележувањто на 59-годишнината од формирањето на најстарата скопска општина – Кисела Вода. Симболично, случувањата започнаа со најмладите жители на општината, при што градоначалничката Билјана Беличанец-Алексиќ додели 25 ваучери во вредност од 6.000 денари на семјствата кои имаат новороденчиња.
„Со задоволство можам да кажам дека заклучно со денес, кога општина Кисела Вода го слави својот 59-ти роденден, имаме доделено 536 ваучери, што значи исто толку нови жители на оваа општина. Свесни дека секоја општина е успешна онолку колку што се успешни нејзините жители, можеме да ви ветиме вам, како нивни родители, дека нашите напори да обезбедиме најдобри можни услови за нивен раст и развој, ќе продолжат со засилена динамика. Од нив зависи растежот на општината. Од нив зависи и растежот на нашата земја“, рече Беличанец-Алексиќ пред семејствата кои годинава добија принови.
Одбележувањето на роденденот на општината продолжи со доделување награди за 44-те најуспешни ученици од основните училишта на територија на општина Кисела Вода кои во оваа учебна година имале најдобри резултати на државните и регионалните натпревари. Наградата која им ја доделува општина Кисела Вода е во вредност од 10.000 денари и е само дел од стратегијата за развој на научната мисла на овие простори.
„Почитувани ученици, оваа скромна награда треба да биде стимул за да продолжите и понатаму да работите, да се развивате и да бидете референтна точка за сите ваши наследници во училишните клупи“, рече Беличанец-Алексиќ/
Претпладнето во Големата сала се одржа свечена седница на Советот на општината. Претседателот на Советот, Трајче Донев, потсети на историјатот на општината и се осврна на бројните проекти кои се реализираа во оваа година.
„И од денеска, кога заеднички влегуваме во 60-та јубилејна година од постоењето на оваа општина, заеднички со градоначалникот, како раководство, можеме да Ви ветиме дека ќе продолжиме со ист интензитет да работиме и да се залагаме за остварување на сите ваши желби и потреби. Нашата досегашна работа е гаранција дека тоа што го ветуваме ќе биде реализирано“, истакна Донев.
Во присуство на многу гости, пријатели на општина Кисела Вода, потоа беа доделени благодарници за луѓето и компаниите кои во оваа година беа заслужни за афирмирањето на оваа локална самуправа.
Прославата на роденденот продолжи во паркот Шопен каде Градскиот дувачки оркестар одржа концерт со програма осмислена за да може да ги задоволи сите музички вкусови. Публиката која дојде да го проследи концертот потпевнуваше и играше на популарна музика од Добсшески, Милер, Харисон, Макартни, Ленон, Леј, Моцарт, Андерсон, Манквина, Верди, Штраус… Забавата продолжи во Расадник, пред кафулето „Гет“, каде точно напладне започна женското авторели, во соработка со женскиот „Автофан клуб“.
Женското авторели се одвива низ целата општина, со старт во Расадник, преку селото и населбата Драчево, па повторно во Расадник, каде во 16 часот ќе бидат доделени наградите на најуспешните жени возачи.
Веќе во 18 часот, повторно во паркот Шопен, во организација на Здружението на пензионери и Црвениот крст, докторски тим од Црвениот Крст ќе врши бесплатни мерења на притисок и ќе дава бесплатни здравствени совети, додека паралелно, на истата локација, ќе се одржува веќе традиционалната Коријада, по која од 19:30, па до 21 часот, ќе уследи културно-забавна програма во изведба на Здружението на пензионери на Кисела Вода./крај/мф/таи
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од Карпош без струја
ЕВН Македонија АД и Регионалниот центар за управување со кризи-Град Скопје, ги известува граѓаните дека, поради планирани технички зафати во електро дистрибутивната мрежа, без електрична енергија ќе останат:
· Во период од 09:00 – 12:00ч дел од корисниците во с. Бардовци ( о.Карпош);
· Од 09:30-14:00ч корисниците од ул.Дрезденска (о.Карпош).
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.
Скопје
Герасимовски: Со видео надзор, општината ќе ја зголеми безбедноста на граѓаните и ќе ги заштити јавните добра
Советот на Општина Центар на 35. Седница на советот го прифати предлогот на градоначалникот Горан Герасимовски во општина Центар да се постави видео надзор.
Станува збор за видео надзор поради обезбедување заштита на имотoт и имотните права на општината односно Заштита на урбаната опрема (автобуски постојки, опрема во функција на туристички и културни и спортски настани, самостоечки рекламни паноа, детски игралишта, фонтани, чешми, клупи, корпи за отпадоци и други согласно законите), Заштита на инфраструктурните објекти (улици, плоштади и други инфраструктурни објекти во надлежност на Општината), Заштита на сообраќајни знаци и семафори и друга вертикална и хоризонтална сигнализација, Заштита на улична јавна осветлување, броење и евиденција на возила за статистички мерења.
Герасимовски во образложението за дополнувањето на дневниот ред истакна дека одлуката е преземена и модифицирана од други општини во кои веќе неколку години има поставен видео надзор и каде по поставувањето има намалување на штетите во општината.
„Се обидовме да ја заштитиме урбаната опрема особено детските игралишта но по сите напори не успеваме да го направиме тоа. Тие не ни траат ниту два месеци, се кршат детските реквизити, обрачите на спортските игралишта, се крши се. Затоа овие снимки може да служат како доказ за нечие дивеење. Но Министерството за внатрешни работи или Јавното обвинителство, исто така ќе може да ги користат при евентуално сторено кривично дело, нарушување на јавен ред и мир, или кршење на друга урбана опрема. Верувам дека снимките ќе ја зголемат и безбедноста во општината. Суштината е снимката да се користи како доказ за евентуална судска кривична или прекршочна постапка со цел да имаме намалување на девијантните појави во општината“, рече Герасимовски на седницата.