Европа
Германската влада и покрај извештајот на Гринпис останува на TTIP
Германската влада и покрај објавувањето на тајните детали околу Трансатлантскиот трговски договор и инвестициско партнерство (Transatlantic Trade and Investment Partnership – TTIP), кои во Берлин во понеделникот ги објави организацијата Greenpeace, останува на својот став за неопходноста од продолжувањето на преговорите за слободна трговија меѓу Европската унија и САД, соопшти владиниот портпарол.
„Германската влада и натаму е истрајна на склучувањето на договорот TTIP во целосен обем. Ние зависиме од отворениот пазар“, изјави портпаролот на германската влада Штефан Зајберт во понеделникот набрзо откако беа објавени тајните детали од преговорите меѓу Брисел и Вашингтон што утрото ги објави организацијата Greenpeace, од кои произлегува дека американската страна врши притисок за намалување на социјалните стандарди, на законодавството, во областа на здравството и стандардите во доменот на заштитата на потрошувачите.
Германското министерство за економија соопшти дека станува збор за преговарачки позиции во текот на преговарачкиот процес, а не за готов текст од договорот, без да се осврне на забелешките дека преговорите се водат нетранспарентно без особено европската јавноста да има увид во нив.
„Барањата и преговарачките позиции на едната страна не значи и дека на тие барања ќе им биде удоволено“, изјави портпаролката на министерството за економија кое ги води преговорите за TTIP. „Не можам да ја коментирам автентичност на потеклото и содржината на тие документи. Ние немаме такви податоци, и не можам да ги коментирам“, додаде портпаролката на брифингот со новинарите.
Организацијата Greenpeace во понеделникот, прво преку интернет платформата Republica, а потоа и преку германските медиуми, објави тајни делови од договорот за TTIP во коишто, според нив, Вашингтон врши силен притисок, а кои досега им биле достапни само на политичарите.
Од презентираните документи е забележливо дека американската страна инсистира во преговорите на промената во прописите за заштитата на потрошувачите во Европската унија, што, меѓу другото, би овозможило влегување на генетски модифицирани прехранбени производи, како и продукти третирани со хормони.
Од документите, исто така, се забележува дека американските преговарачи не сакаат да ѝ дозволат на Европската унија во врска со контроверзните специјални арбитражни судови на коишто големите концерни можат да тужат поедини држави доколку дојде до спор, а на што инсистираат САД.
Премиерот на германската сојузна покраина Баварија и претседател на таму неприкосновената Христијанско-социјална унија (CSU), Хорст Зехофер, побара повеќе транспарентност во врска со преговорите за TTIP./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.