Европа
Саркози критикуван поради посетата кај Путин
Поранешниот француски претседател Николас Саркози беше критикуван во четвртокот поради неговата неофицијална посета на рускиот претседател Владимир Путин во неговата резиденција крај Москва во четвртокот, на која двајцата изразиле жалење поради несогласувањата меѓу нивните земји.
Франција, како и другите западни земји е критична кон руската воена интервенција во Сирија иако и самата учествува во коалицијата што ја предводат САД која повеќе од една година изведува такви операции во Сирија и во Ирак, а претседателот Франсоа Оланд изјави дека не гледа улога за сирискиот претседател Башар ал-Асад во идната политичка транзиција на земјата, наспроти заложбите на Москва за тоа да одлучува единствено сирискиот народ.Николас Саркози, кој повторни застана на чело на Републиканската партија (поранешната Унија за народно движење – UMP), се очекува повторно да се кандидира за претседателската должноста на изборите во 2017 година. Тој беше жестоко критикуван од Социјалистичката партија, на актуелниот претседател Франсоа Оланд кого катастрофално го порази на локалните избори во март година, поради посетата на Русија и средбата со нејзиниот челник Владимир Путин. Социјалистичката влада соопшти дека не може да биде заобиколувана француската надворешна политика, а парламентарната група за пријателство меѓу Франција и Русија, од која некои пратеници летово беа во посета на црноморскиот полуостров Крим кој Западот го смета за нелегално анектирана украинска територија од страна на Москва, смета дека паралелната дипломатија ѝ нанесува штети на земјата.„Неверојатно е дека поранешниот шеф на државата нема чувство за државништво“, изјави потпретседателот на споменатата парламентарна рупа за француско-руско пријателство, Франсоа Мишел-Ламберт, пренесе AFP.Саркози на средбата со Путин даден неколку изјави кои го разгневија официјален Париз, како онаа дека Франција направила грешка поништувајќи го договорот со Русија за продажба на два носачи на хеликоптери од типот „Мистрал“ поради што мораше на Москва да ѝ врати околу милијарда евра, дека „Русија е светска сила, а не како што смета (американскиот претседател Барак) Обама – регионална“ и ткн.„Неопходно е да се сврти страница во украинската криза, и да се убеди претседателот на Русија целосно да го исполни минскиот договор“, рече Саркози во интервјуто за француската телевизија BMFTV правено во Москва, истакнувајќи се дека се залага за постепено укинување на западните санкции кон Русија во врска со украинската криза, како и дека „не разбира зошто Русија е исклучена од групата Г8“. Саркози, исто така, истакна дека и покрај несогласувањата меѓу Франција и Русија, тој и Путин секогаш можеле да најдат заеднички јазик, како и оти е убеден дека Русија му е потребна на целиот свет. Нагласи дека не треба да се изолира Русија во време на големи предизвици, како што е војната во Сирија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.
Европа
„Неприфатливо, нема да помине без последици“: Бербок ја обвини Русија за сајбер напад врз Германија, руски дипломати повикани на разговор
Германското Министерство за надворешни работи ги покани претставниците на руската амбасада на состанок во врска со наводниот руски сајбер напад врз Социјалдемократската партија на Германија (СПД) минатата година.
„Руски државни хакери ја нападнаа Германија во сајбер просторот“, соопшти министерката за надворешни работи Аналена Бербок при посетата на Австралија.
СПД во јуни 2023 година објави дека е-поштата на извршниот директор на СПД претходно биле цел на сајбер напад во јануари, пренесува „Велт“. Портпаролката на СПД истакна дека постои можност да имало одлив на податоци за време на рускиот напад.
„Денес јасно можеме да го припишеме овој минатогодишен напад на групата „АПТ28“, која е контролирана од руската тајна служба „ГРУ“. Ова е целосно неприфатливо и нема да помине без последици“, изјави Бербок.
Според податоците на германската канцеларија за заштита на уставот, групата „APT28“ е активна ширум светот, пред се во областа на сајбер шпионажата, најмалку од 2004 година. Во минатото, според Канцеларијата, оваа група водела дезинформации и пропагандни кампањи во сајбер просторот и е „меѓу најактивните и најопасните сајбер актери во светот“.
Германската федерална канцеларија за заштита на уставот исто така смета дека „АПТ28“ е дел од руската воена разузнавачка служба „ГРУ“, пишува „Велт“. Се вели дека групата е обвинета за голем сајбер напад врз Бундестагот во 2015 година, а подоцна и во САД за напад врз Демократската партија пред претседателските избори во 2017 година.
Според информациите на германската новинска агенција, истрагата на федералната влада ги вклучила сите германски тајни служби, вклучително и Канцеларијата за заштита на Уставот, Федералната разузнавачка служба и Воената контраразузнавачка служба. „Велт“ наведува дека нападот врз СПД бил дел од кампањата „АПТ28“ во неколку европски земји, која е насочена против владините служби и компаниите кои се занимаваат со снабдување со енергија, ИТ, вооружување или авијација.