Европа
Велика Британија ги отфрли обвиненијата против „ѓуленистите“ во организирањето на пучот во Турција
По Германија и Велика Британија стана втората земја која ги отфрли обвинувањата на Анкара против „ѓуленистите“ во организирањето на обидот за државен удар во Турција, пренесува во понеделникот EurActiv.
Комисијата за надворешна политика на Долниот дом распространи извештај со 82 страници, во кој се вели дека нема докази за тоа дека ѓуленистичкото движење е вмешано во неуспешниот пуч од јули 2015 година.
Во месец јануари во документ на европските разузнавачки служби беше претставен заклучок дека обидот за државен удар во Турција е организиран од широк спектар на политички противници на претседателот Реџеп Таип Ердоган.
“Припишувањето на вината само на „ѓуленистите“ е особено важно, бидејќи на тој начин се оправдуваат и одржуваат напорите на владата да ги искорени позициите на „ѓуленистите“ од општествено влијание во Турција”, се вели во извештајот.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Европа
Професорка во Британија осудена за сексуална експлоатација на ученици, забременила со еден од нив
Професорка е прогласена за виновна за сексуално искористување на двајца тинејџери на кои им предавала во нивното средно училиште во Велика Британија. 30-годишната Ребека Џојнс ја дочека пресудата на слобода, но беше суспендирана од работа во училиштето.
Британските медиуми јавуваат дека Џојнс веќе била суспендирана и пуштена со кауција поради секс со 15-годишен ученик, идентификуван во пресудата како Момче А, кога почнала да има секс со друг ученик, момче Б, со кој подоцна останала бремена, пишува „Independent“.
На судот му било кажано дека и двете момчиња и праќале флертувачки пораки на „Snapchat“ пред таа да ги покани во нејзиниот стан.
Во случајот со првото момче, таа му го дала телефонскиот број, а како вежба за решавање проблеми, тој морал да ја погоди последната цифра. После тоа се поврзале на Снепчет и тој и праќал пораки во кои парот се договарал да се сретнат тајно.
Таа потоа го однела на шопинг и му купила скап појас. Полицијата подоцна ја пронашла неговата сперма во нејзината постелнина. Второто момчпе кажало дека врската со професорката започнала со бакнежи кога имал 15 години и со сексуални односи кога наполнил 16 години.
Џојнс пред судот се бранеше дека доживеала „нервно растројство“ кога била суспендирана од работа, по полициската истрага, и се вратила кај нејзините родители.
Џојнс на суд тврдеше дека никогаш немало сексуална активност со првото момче и дека врската со второто момче се развила додека таа била суспендирана од работа.
Таа плачела додека им кажувала на поротниците дека бебето што го родила и е одземено неколку часа по раѓањето и сега ѝ е дозволено да го гледа детето само три пати неделно. Таа беше прогласена за виновна по шест точки од обвинението за сексуална експлоатација на малолетници.