Регион
ОН бара основање на Специјален суд за злосторствата на ОВК на Косово
Генералниот секретар на Обединетите нации (ОН), Бан Ки Мун побарал од косовските власти и Европската унија (ЕУ), најдоцна до почетокот на следната година да формираат Специјален суд кој би се бавел со прашањата на воените злосторства на Ослободителната војска на Косово (ОВК) на Косово во 1999 година, пренесуваат српските медиуми.
„Силно барам од косовските власти, како и од структурата на ЕУ за поддршка, да обезбедат формирање на Специјалниот суд најдоцна до почетокот на 2015 година“, навел Бан во најновиот извештај за состојбата на Косово, кој ќе биде претставен пред Советот за безбедност на ОН на 25 август.
Генералниот секретар на ОН оценил дека извештајот на Клинт Вилијамсон, главниот обвинител на истражниот тим за злосторствата на ОВК, објавен на 29 јули годинава бил „од исклучително значење не само за почитувањето на основните принцип на меѓународното право, туку за борбата против неказнивоста и за тоа виновниците да сносат одговорност за своите дела“.
Бан и се заблагодарил на ЕУ за обезбедувањето на политичките и финансиски ресурси за конечно завршување на тој процес. Генералниот секретар на ОН исто така се осврнал и на нормализацијата на односите меѓу Белград и Приштина, потенцирајќи дека „големата посветеност на Белград и Приштина да остварат напредок во европските интеграции, преку активното ангажирање на ЕУ, се покажаа како клучна движечка сила за остварување на нормализација на односите меѓу двете страни“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.