Европа
Конзервативците на Дејвид Камерон пред нов петгодишен мандат
По преброени три четвртини од гласовите на британските парламентарни избори кои беа одржани во четвртокот, конзервативците на премиерот Дејвид Камерон освоиле 203 од 650 пратенички мандати, а излезните анкети укажуваат на тоа дека тој број би можел да порасне на 316 до 325 мандати во долниот дом на парламентот, што претставува нешто помалку од апсолутното мнозинство и дава големи можности за формирање на владата, пренесува Reuters.
Со ова, конзервативците на Дејвид Камерон се пред нов петгодишен мандат на владеење со Британија по неочекувано добрите изборни резултати, но ќе бидат соочени во повторни повици за независна Шкотска од страна на шкотските националисти, кои остварија натпросечни резултатите.
Лидерот на опозициските лабуристи Ед Милибанд, иако се уште не го признал поразот, во петокот утрото изјавил дека „длабоко жали поради разочарувачката и тешка ноќ“.
Камерон изјавил дека се надева дека ќе формира влада, откако неговата партија имала „моќна ноќ“.
Според проценките на BBC, партијата на Камерон би можела да освои и до 325 мандати. Во пракса, повеќе од 323 мандати во парламентот значат мнозинство бидејќи претставниците од северноирската партија Шин Фејн одбиваат да седнат во пратничките клупи.
Според анкетите, лабуристите би можеле да освојат 239 мандати и тоа би бил нивниот најлош изборен резултат во последните 30 години.
Шкотската национална партија (СНП) во четвртокот освои мнозинство на британските парламентарни избори одржани во Шкотска, што би можело да поттикне нова битка за независноста на оваа британска покраина. По објавените резултати во повеќе од половина шкотски изборни единици, СНП ги освоила сите места, а според анкетите партијата би требало да освои 58 од вкупно 59 шкотски мандати.
Сепак и во случај на надмоќна победна на СНП, партијата би можела да биде исклучена од идната британска влада која по се изгледа ќе биде формирана од страна на Камерон, што би можеле да доведе до нови конфронтации околу шкотското настојување на остварување на поголема автономија, односно независност.
Доколку таквиот резултат биде потврден, СНП не би имала клучно влијание во парламентот, на што партијата се надеваше во пресрет на изборите. Аналитичарите пред изборите оценуваа дека потенцијалната коалиција помеѓу СНП и лабуристите би можела да го сруши Камерон и да состави нова влада.
Шкотска секогаш била силен поддржувач на лабуристите а на овие избори тие би можеле да останат без мандати во таа покраина, предавајќи ги своите пратенички мандати на СНП, која на претходните избори во 2010 година освои само шест мандати./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.