Црна хроника
Приведено едно лице за тепачката и пукањето во Аеродром
Тепачка меѓу две групи малолетници, па пукање се случило во вторник вечер по 20 часот пред трговскиот центар Капитол во скопската населба Аеродром.
Според информациите на МВР, две непознати лица на паркингот зад Трговскиот центар почнале да бркаат 14 годишно момче коe билo заедно со своите другари на возраст од 16 години. Успеале да им избегаат, шеснаесетгодишниците тргнале да бегаат кон Центар, додека четиринаесетгодишното момче избегало во правец кон населбата Ново Лисиче. Напаѓачите го пресретнале и физички го нападнале 14 годишното момче. Малолетникот повторно им избегал, а напаѓачите се качиле во патничко моторно возило, најверојатно марка „мерцедес“ и испукале неколку куршуми пред трговскиот центар. Полицијата за инцидентот го привела шеснаесетгодишниот A.К. од Скопје и со него било разговарано во присуство на старател. Против него ќе следува соодветен поднесок, а полицијата сè уште трага по другиот напаѓач. Не се знае дали токму приведеното момче пукало од автомобилот. Повреденото четиринаесетгодишно момче со телесни повреди здобиени во тепачката е пренесено во градската општа болница „Наум Охридски“./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена нападната од сопругот и свекрвата
Вчера во 22.30 часот во СВР Скопје 33-годишна жена пријавила дека околу 18.30 часот на подрачјето на Центар била физички нападната од нејзиниот сопруг В.А.(42) и неговата мајка Н.А.(70), информира МВР.
Се преземаат мерки за расчистување на случајот.
Црна хроника
Тешко повредена 63-годишна скопјанка додека работела на ГАК
63-годишна скопјанка, вработена на ГАК, вчера била тешко повредена.
На 27.11.2024 во 14.45 часот во СВР Скопје било пријавено дека во Ургентен центар при Комплексот клиники „Мајка Тереза“ во Скопје била донесена В.К.(63) од Скопје, која претходно околу 13.00 часот се здобила со тешка телесна повреда додека извршувала работни задачи во Клиниката за гинекологија при истиот комплекс, информираа од МВР.
За настанот бил известен трудов инспектор. Излезено било на местото на настанот од полициски службеници од СВР Скопје.
Црна хроника
Четворица штипјани приредувале игри на среќа без лиценца
Единицата за финансиски истраги при Одделот за сузбивање на организиран и сериозен криминал на МВР во координација со истражителите од истражниот центар на Основното јавно обвинителство за ГОКК вчера (27.11.), поради постоење на основани сомненија за сторени кривични дела до ОЈО ГОКК поднесе кривична пријава против четири лица и тоа: Ф.Д. (41) и Е.Д. (43) од Штип за сторено кривично дела по член 156 став 3 од Законот за игри на среќа и за забавни игри а во врска со член 22 од КЗ, и по член 273 од КЗ („перење пари и други приноси од казниво дело“), како и против лицата Е.Д.(19) и Ф.Р (34) исто така од Штип, по член 273 став 4 во врска со став 1 и 2 од КЗ.
Во рамки на вчерашните активности на Единицата, во содејство со ОЈО ГОКК, беа преземени и заокружени сите неопходни оперативни мерки за целосно документирање на случајот, при што беа обезбедени бројни материјални докази, а извршени се и претреси кај осомничените, и притоа беа пронајдени и одземени златен накит, четири луксузни патнички моторни возила, пет моторцикли и еден четирицикл.
Прво и второосомничените како соизвршители во периодот од 01.01.2020 година па наваму заеднички и по претходен договор, спротивно на одредбите од Законот за игрите на среќа и за забавните игри, во нивната семејна куќа во Штип, недозволено, преку глобална интернет мрежа, организирале и приредувале интернет игри на среќа. Сопружниците Ф.Д. и Е.Д. откако обезбедиле средства и компјутерска опрема, ангажирале лица коишто првоосомничената ги обучувала за користење на платформа за опслужување на заинтересирани клиенти, а второосомничениот им давал совети и обезбедувал електронска опрема, телефонски мобилни уреди и СИМ картички за вработените со што дал особен придонес во незаконските дејствија. Со клиентите, кои морало да бидат турски државјани, комуницирале преку апликациите за контакт Skype и Whatsapp нудејќи им поволности за обложување и игри на среќа за што, според првичните сознанија, осомничените добивале одреден процент во криптовалути на “Електронски паричник“, сопственост на првоосомничената.
Со намера да го прикријат изворот на парите, нелегално остварените приходи што ги примале во криптовалути, потоа ги претварале во странска валута – долари или евра и ги пренесувале на “Електронски паричник“ сопственост на менувачница за размена на криптовалути.
Оттаму парите ги подигнувале во готовина, помал дел ги пуштале во промет трансферирајќи ги кон странски државјани со кои немале воспоставено должничко доверителски односи, а поголемиот дел ги внесувале во легални финансиски текови, ги уплаќале на своите денарски сметки и купувале движен и недвижен имот водејќи луксузен живот иако биле невработени, а дополнително и приматели на социјална помош.
Во прикривањето на изворот на парите учествувале и нивната ќерка и четвртопријавеното лице, така што примиле парични средства за кои биле должни и можеле да знаат дека се прибавени од казниво дело со приредување на игри на среќа преку глобална интернет мрежа, и ги пуштиле во оптек набавувајќи две патнички моторни возила.