Надворешна политика
Даниелсон: Политички дијалог и одговорност за доверба во институциите
![](https://makfax.com.mk/wp-content/uploads/2016/11/Untitled-23.jpg)
Нападот во Куманово загрижува, но важно е случајот соодветно да биде истражен, да не се предизвикуваат меѓуетнички тензии во земјата, и со него да се оттргнува вниманието од сериозната политичка криза во Македонија, а власта и опозицијата треба да се ангажираат во конструктивен политички дијалог, порача генералниот директор за проширување во Европската комисија, Кристијан Даниелсон во интервјуто за интернет мрежата European Western Balkans
„Јас сум многу загрижен за тоа што се случи во Куманово. Европската унија го осудува секој облик на насилство и би сакал да им го искажам нашето длабоко сочувство до семејствата на луѓето кои ги загубија своите животи. Комесарот Хан веќе упати апел до сите инволвирани страни и актери за соработка во расчистување на она што се случило, кој е одговорен за тоа, и да се дејствува обединето по ова прашање. Исто така, важно е ова кривично дело да има соодветна истрага за да не разгори меѓуетнички тензии“, вели Даниелсон.
Истовремено, продолжува шведскиот дипломат, „бевме јасни дека овие настани не треба да го одвлекуваат вниманието од многу сериозната внатрешно-политичката ситуација“ во Македонија.
Смета и дека мора да има политичка одговорност за да се врати довербата во институциите и сите тврдења за можни потенцијални нерегуларности треба независно и транспарентно да бидат истражени.
„Владата и опозициските партии треба конструктивно да се вклучат во политичкиот дијалог, олеснет од страна на тројца членови на Европскиот парламент. Основните системски прашања во врска со владеењето на правото, слободата на медиумите, итн избори коишто Комисијата ги истакна во своите извештаи за напредокот, мора да се решат. Мора да постои политичка одговорност, да се врати довербата во институциите. Сите наводи за обвинувања за кривични дела треба веднаш, независно и транспарентно да се истражат од страна на надлежните органи“, Даниелсон.
Кристијан Даниелсон е шведски дипломат, дипломирал во бизнис администрација и економија во Стокхолм на Факултетот за економски во 1981 година . Во периодот меѓу 2006 и 2008 година, беше директор на Дирекцијата Б, одговорна за три земји-кандидатки Хрватска, Македонија и Турција, и од 2005 до 2008 година раководител на одделението за Турција во Генералниот директорат за проширување. Во октомври 2013 година Даниелсон беше назначен за генерален директор за проширување во Европската комисија во Брисел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Муцунски во прва работна посета на Брисел на средби со генералниот секретар на НАТО и високи претставници на ЕУ
![](https://makfax.com.mk/wp-content/uploads/2017/02/mucunski-viena.jpg)
Министерот за надворешни работи и надворешна трговија, Тимчо Муцунски, од Луксембург продолжува во прва работна посета на Брисел, во чии рамки ќе се сретне со генералниот секретар на НАТО, Јенс Столтенберг, како и високи претставници на Европската Унија.
Во фокусот на разговорите ќе бидат евроинтегративниот процес на државата, реформските процеси, како и активностите во рамките на НАТО, со посебен фокус на претстојниот аамит на алијансата, што ќе се одржи идниот месец во Вашингтон.
Посетата на Муцунски на Брисел на почетокот на мандатот како министер за надворешни работи и надворешна трговија е показател за цврстата определба на земјата за што побрзо членство во Европската Унија и посветениот придонес кон глобалниот мир и регионалната стабилност како кредибилна земја членка на НАТО.
Македонија
Муцунски се сретна со Вархељ: Новата Влада е силно посветена на реформската агенда и европските интеграции
![](https://makfax.com.mk/wp-content/uploads/2024/06/mucunski-varheji.jpg)
Министерот за надворешни работи и надворешна трговија, Тимчо Муцунски, се сретна со еврокомесарот за соседство и проширување, Оливер Вархељ, во Луксембург.
Во фокусот на разговорите беа приоритетите и активностите на новата Влада, како и актуелностите поврзани со европското досие на земјата.
„Новата Влада е силно посветена на реформската агенда и европските интеграции, а во периодот што следува ќе преземеме низа активности во насока на забрзување на нашиот евроинтегративен процес. Политиката на проширување на ЕУ е најдобрата алатка за поттикнување на реформските и демократските процеси, но истовремено е и клучна геостратешка инвестиција во мир, стабилност и економски развој на земјите од регионот, но и Европа како целина“, нагласи Муцунски.
Соговорниците разменија мислења и за планот за раст на ЕУ оценувајќи го како силна поддршка од страна на ЕУ за економско зајакнување на земјите од Западен Балкан, поттикнување на регионалната соработка, но и доближување на земјите од регионот поблиску до ЕУ и пред формалното членство.
Македонија
Средба на претседателите на Собранијата на Македонија и Украина, Митрески и Стефанчук
![](https://makfax.com.mk/wp-content/uploads/2024/02/Ukraina-1.jpg)
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.