Европа
Британски тинејџер осуден на 22 години затвор за намера да убие
Британскиот тинејџер Бруштом Зјамани осуден е во петокот на 22 години затвор поради заговор со цел на еден војник во главниот град Лондон да му биде отсечена главата, сакајќи со тоа да го имитира бруталното убиство со нож на војникот Ли Ригби, кој во 2013 година масакрира два радикални исламисти.
Брустчом Зјамани, поранешен припадник на сектата Јеховини сведоци конвертит во исламот од Камбервил, во југоисточен Лондон, уапсен во август 2014 година, кога имал 18 години, а кај себе имал замотано во црно исламско знаме, имал 30 сантиметри долг нож и чекан. Зјамани на неговата поранешна девојка неколку часа пред апсењето и’ се доверил дека има намера да отсече глава на војник на улиците на британската престолнина.
Неговите објавувања на Facebook и смс пораките покажале дека Зјамани, сега деветнаесетгодишник „целосно ја усвоил извитоперената интерпретација на Куранот, што е особина на фанатизираните исламски терористи“, изјави судијата Тимоти Понтиус изрекувајќи ја пресудата.
„Доколку обвинетиот 19-ти август (2014-та) не бил уапсен, тој во рок од најмногу неколку часови со чеканот и ножот би ја спровел во дело својата јасно искажана намера…. што би резултирало со уште еден акт на ужасно дивјаштво на улиците на Лондон“, додаде судијата Понтиус.
Зјамани на судењето го повтори своето одушевување од Мајкл Адеболаи и Мајкл Адебовале, исто така, британски конвертити во исламот, кои отслужуваат доживотни затворски казни поради бруталното убиство на војникот Ли Ригби./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Киев: Убивме најмногу руски војници за еден ден; Русите: Ние уште повеќе Украинци
Русија претрпе рекордни загуби во мај и забележа најголема дневна загуба на персонал од почетокот на инвазијата во февруари 2022 година, според Киев. Руските сили изгубија 38.940 борци во Украина минатиот месец, соопшти во саботата украинското Министерство за одбрана.
Украинската армија редовно известува за дневни руски загуби. Во средината на мај, киевските трупи изјавија дека Москва изгубила 1.740 војници за еден ден, што е најголем број дневни руски жртви од почетокот на сеопфатната војна. Треба да се напомене дека не е многу лесно да се одреди вистинскиот размер на жртви на бојното поле. Затоа аналитичарите повикуваат на претпазливост во однос на бројките што ги презентираат Русија и Украина, пишува „Њузвик“.
Иако западните експерти често проценуваат дека руските загуби на фронтот се помали од бројките наведени од Украина, британското Министерство за одбрана во петокот соопшти дека Москва најверојатно има повеќе од 500.000 борци ранети или убиени од почетокот на 2022 година. Во текот на мај Русија изгуби повеќе од 1.200 војници дневно, што е најмногу од почетокот на инвазијата, објави британската влада.
„Руските загуби најверојатно произлегуваат од континуираните напади на украинските позиции долж линијата на фронтот, без соодветна обука на војниците“, соопшти британското Министерство за одбрана. Москва започна офанзива против североисточниот регион на Украина Харков минатиот месец, отворајќи нов фронт. Во исто време, интензивните борби продолжуваат во источниот регион на Доњецк.
Украинската војска во саботата објави дека Русија извршува тешки напади западно и северозападно од градот Доњецк што е под руска контрола и дека активноста се интензивирала уште на север, кон Харков. Истиот ден Киев објави дека Русија претрпела 1.130 жртви во претходните 24 часа, со што вкупниот број на загинати руски војници, според Украина, достигна 508.780.
Москва последен пат пријави жртви во септември 2022 година, кога поранешниот министер за одбрана Сергеј Шојгу рече дека биле убиени нешто помалку од 6.000 руски војници. Руската Би-Би-Си и руската независна медиумска група Медијазона минатиот месец потврдија дека меѓу февруари 2022 година и 22 мај 2024 година, најмалку 54.185 руски војници ги загубиле животите.
Украина, исто така, претрпе големи загуби и ретко дава ажурирања за бројот на жртви од нејзина страна. Украинскиот претседател Володимир Зеленски на крајот на февруари изјави дека во текот на двете години од војната биле убиени 31.000 украински војници. Од друга страна, Русија наведува дека бројот на загинатите украински сили е многу поголем и дека Киев само во 2023 година загубил 215.000 борци.
Во саботата Русија објави дека во изминатиот ден биле убиени 1.845 украински војници.
Европа
(Видео) „Бредли“ уништи две руски оклопни возила, војниците ползеа низ полето
Американско оклопно возило „Бредли“ уништи два руски оклопни транспортери во источна Украина, соопшти украинското Министерство за одбрана, споделувајќи снимка на која се гледаат нападнати два руски оклопни транспортери додека се движеле низ отворен терен.
Неколку руски војници скокаат од возилата по најмалку една експлозија, паѓајќи на земја додека Украинците продолжуваат да пукаат во нив. Подоцнежната снимка, која се чини дека е снимена со дрон, покажува еден транспортер во пламен.
Од украинската 47 механизирана бригада истакнаа дека нивните извидници откриле руски војници и чекале да излезат на отворено пред да го започнат нападот. Командантот на 47-та механизирана бригада изјави за „Њузвик“ уште во јануари дека руските сили „се плашат“ да започнат операции „кога знаат дека ќе мора да се соочат со Бредли“.
Европа
(Видео) Русите по две години ослободија млада Украинка: „Ја мачеа, ја изгладнуваа“
Во рамките на 52-та размена на воени заробеници, Русите ја ослободија Маријана Чечељук, 24-годишна полицајка на Националната полиција на Украина (НПУ) од Мариупол. Таа беше во заробеништво повеќе од две години. По почетокот на инвазијата на Украина, Маријана и нејзината помлада сестра се сокриле во фабриката за челик Азовстал, пишува Украинска Правда.
Кога цивилите беа евакуирани од фабриката за челик, тие беа однесени во руски филтрационен камп. Русите, откако дознале за нејзината професија, ја пренеле во истражниот затвор во Доњецк. После тоа, извесно време била задржана во затворскиот логор во Оленивка, а потоа испратена во затворите во Таганрог и Мариупол.
„Се обидоа да ја придобијат ќерка ми, и понудија голема плата, ја заплашија. Но таа одби“, изјави мајката на Маријана, Наталија Чечељук за весникот ЗМИНА во јануари. Мајката на приведената полицајка рече дека Маријана била изгладнувана, тепана и малтретирана на различни начини.
Здравјето и се влошило поради затворските услови – респираторните заболувања и болките во грлото се претвориле во хронична форма на бронхитис.
„Маријана ослабе многу, имунитетот ѝ ослабна, косата почна да ѝ опаѓа, менструацијата ја изгуби“, вели мајката.
Наталија постојано и пишувала на ќерката, но Маријана не добивала писма. Долго време таа не знаела што се случува со нејзиното семејство, дали се добро и каде се. Кога Координативниот штаб за воени затвореници објави видео од ослободените воени заробеници, исто така, се гледа како Маријана плаче кога првпат и се јавува на мајка си.
Во рамките на оваа размена беа ослободени 70 мажи и пет жени. Најмалку една третина од воените затвореници имаат повреди, сериозни болести или инвалидитет.