Европа
Лавров: Киев го одложи договорот со ЕУ, како што предложи и Јанукович
Решението на сегашните украински власти да не ја активираат Спогодбата за придружување и слободна трговија со Европската унија е идентично како и барањето на поранешниот украински претседател Виктор Јанукович од пред десет месеци, но тогаш беше можно да се избегнат бројните човечки жртви, изјави шефот на руската дипломатија Сергеј Лавров.
Според Лавров, „одлуката што ја донесоа ЕУ и Украина, до крајот на 2015 година да се одложи стапувањето на сила Спогодбата за придружување, односно оние сегменти од неа кои создаваат ризици за руската економија, во голема мера е идентично како и она што го бараше Виктор Јанукович“.„Тој (Јанукович) рече – ‘сакам да го одложам потпишувањето (односно стапувањето на сила), дајте ни повеќе време да размислиме. Доаѓањето до сличен резултат, кој беше можен во ноември 2013 година кога Виктор Јанукович одлучи да го суспендира времено потпишувањето, по десет месеци, но со огромна цена на човечки животи и разорувања, нема да оди во полза на оние кои го започнаа сето тоа“, изјави рускиот министер за надворешни работи Сергеј Лаврвов во интервју на Петтиот канал. Јанукович тогаш образложи дека поради тешката материјална состојба на Украина немал друг избор освен да им понуди на партнерите во ЕУ да се направи пауза, да се спроведат трилатерални разговори во формат ЕУ – Украина – Русија и да се побара во таквиот формат заемно прифатлива варијанта којашто ќе даде одговор на прашањата коишто се појавија во заемните економски и трговски односи. Според него, во тој момент Спогодбата во таквата варијанта, не им одговарала на националните интереси на Украина и ќе ѝ нанесела на земјата „огромни непоправливи штети.Поранешниот украински челник рече и дека Украина била ставена во тешка на ситуацијата пред самитот во Вилнус, а тоа се условите на Меѓународниот монетарен фонд (ММФ) за доделување кредит, зголемување на 50 отсто на цената на гасот за населението, замрзнување на платите, а тоа од своја страна претпоставувало и намалување на пензиите социјалната помош, што би го турнало населението во беда.Откако кон крајот на ноември 2013 година, украинската влада го суспендираше подготовките за потпишување на Спогодбата за придружување со ЕУ започнаа масовните безредија по кои со посредство на ЕУ Јанукович се согласи да го врати уставот од 2004 година, однос претседателските овластувања да се префрлат во полза на парламентот, и да се спроведат предвремени претседателски избори. Меѓутоа, веќе следниот ден Врховната Рада (парламентот) од кој беа буквално протерани стотина пратеници на владејачката партија прогласи наводно самоотстранување на Јанукович од должноста. Киевските прозападни власта во април започна воена акција во југогоисточна Украина каде што се побуни рускојазичното население откако беше укинат законот за јазиците со кој рускиот го загуби статусот на службен. Според Обединетите нации до 11-ти септември во конфликтот загинале 3.200 цивили, а повеќе од 8.000 се ранети.Европскиот парламент и Врховната Рада на 16-ти септември истовремено ја ратификуваа Спогодбата за придружување, којашто требаше да стапи на сила на 1-ви ноември 2014 година. Меѓутоа во трилатералните договори меѓу Киев, Москва и Брисел, беше договорено имплементацијата на договорот за зоната на слободна трговија ќе биде одложено до 1-ви јануари 2016 година. За возврат Русија вети дека доколку се почитува договорот, нема да воведува мерки за заштита на својата економија, вклучително и воведување давачки за стоките од Украина./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.