Црна хроника
Сé уште нема пријава за сообраќајката кај „Зебра“, осомничениот во болница
Министерството за внатрешни работи се уште не поднело кривична пријава за сообраќајната несреќа што се случи во вторникот вечерта ка трговскиот центар „Зебра“, во скопската населба Капиштец, во којашто загина новинарката Сузана Тодоровска – Павловска, вработена во Македонското радио.
Од Министерството за внатрешни работи велат дека возилото со кое беше прегазена жената е на вонреден сообраќаeн технички преглед којшто треба да покаже дали возилото било исправно и дали сообраќајката се случила како последица на човечки фактор или се работи некој технички недостаток на возилото. Се анализираат и крвта и урината коишто биле земени од возачот и совозачот коишто биле во „опелот“ за да се провери дали биле под дејство на алкохол.После тоа Министерството ќе утврдува дали има кривична одговорност за возачот. Од обвинителството велат дека осомничениот сé уште се наоѓа на болничко лекување каде е обезбеден од страна на полициски службеници, што значи дека уште нема дадено исказ во обвинителството и ја нема кажано својата верзија како се случила сообраќајката.„Надлежниот јавен обвинител од Основното јавно обвинителство – Скопје кој беше на увид на местото на несреќата ги презема сите неопходни мерки и активности во врска со настанот. Издадени се наредби за обдукција, вештачење, ДНК анализа, земени се примероци од крв и урина од осомничениот и неговиот сопатник за испитување на присуство на алкохол и психотропни супстанции. Осомничениот сé уште се наоѓа на болничко лекување каде е обезбеден од страна на полициски службеници. До Основното јавно обвинителство – Скопје од страна на Министерството за внатрешни работи се уште нема кривична пријава. Основното јавно обвинителство – Скопје навремено ќе информира за сите преземени мерки и активности за расветлување на случајот што може да се споделат со јавноста“, се вели во одговорот од Јавното обвинителство.Според дел од медиумите, кои пренесоа изјави од очевидци, несреќата се случила додека автомобилот се движел по улицата „Васил Ѓоргов“ со голема брзина. Автомобилите што биле пред него, подзастанале за да пропуштат пешаци, но скопјаnецот кој го управувал автомобилот „опел корса“ не можел да го запре возилото поради голема брзина. За да ги избегне автомобилите, го свртел возилото и удрил во жената која одела на тротоар, потоа пробил метална ограда, се качил на скали и удрил во излог на фризерница.Оваа верзија на несреќата не е потврдена. Погребот на новинарката Тодоровска Павловска беше закажан за четвртокот. Во центарот на нејзиниот богат новинарски опус беа културните настани, а главен интерес и беа филмската уметност и подвижните слики на кои им го посвети најголемиот дел од својата кариера./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.