Европа
ЕУ договори финансиска помош, контрола на границите и соработка со Турција
Лидерите на Европската унија(ЕУ) договорија на кризниот самит за миграциската криза најмалку една милијарда евра помош на агенциите на Обединетите нации(ОН) што ги згрижуваат сириските бегалци кои остануваат на Блискиот исток, како и потесна соработка за да се ограничи приливот на мигранти во Европа, објави во четврток рано наутро претседателот на Европскиот совет и претседавачот со состанокот Доналд Туск.
Тој рече дека седумчасовниот самит што заврши во раните утрински часови бил „навистина одличен, многу подобар од она што се очекувало“.
Туск пред новинарите изјави дека слушнал „многу содржински и енергични“ размени на мислења меѓу австриските и унгарските лидери, чија меѓусебна граница е погодена од хаотичниот прилив на мигранти, но не и меѓусебни обвинувања што се закануваа дека ќе ги поделат земјите од Шенген зоната.
Туск и претседателот на Европската комисија(ЕК) Жан Клод Јункер рекоа дека ќе се сретнат со турскиот претседател Реџеп Таип Ердоган на 5 октомври во рамки на напорите да се постигне соработка со Анкара на смалување на бројот на мигранти кои доаѓаат во Грција. Во таа држава има околу два милиона сириски бегалци.
Челниците се согласија да ги зајакнат граничните контроли со поддршка на ЕУ на надворешните граници на Унијата.
„Знаеме дека проблемот не е решен со донесените одлуки. Но презедовме еден од многуте неопходни чекори. Имам впечаток дека тоа сакаме да го решиме заедно“, рече германската канцеларка Ангела Меркел.
Во заедничкото соопштение од самитот се наведува: „Со овој предизвик единствено можеме да се справиме работејќи заедно во духот на солидарноста и одговорноста“.
Меѓу краткорочните мерки пред следниот редовен самит кон средината на октомври, ЕУ ќе понуди најмалку милијарда евра на агенциите на ОН за бегалци(УНХЦР_ и за храна, како и на други агенции, како и да го зголеми издвојувањето за сириските бегалци во Турција, Јордан, Либан и други земји за да се намалат мотивите кои ги принудуваат Сиријците на ризичните морски пат до Европа.
„На бегалците треба да им се обезбеди поддршка да останат во близина на местотот на трагедијата“, рече францускиот претседател Франсоа Оланд, повторно повикувајќи ги најбогатите држави да земат бегалци.
На самитот на Грција и Италија им е даден рок до ноември да воспостават собирни центри со помош на ЕУ во кои ќе бидат регистрирани новите бегалци и ќе се земаат отпечатоци од прстите и ќе се започне со постапката за разместување на Сиријците и другите кои би можеле да добијат азил во други држави на ЕУ, како и депортации на оние кои припаѓаат на групите економски мигранти.
Тоа го бараа Германија и Франција, но и Унгарија, Чешка и Словачка, кои се бореа против задолжителните квоти за прифаќање на азиланти, но беа надгласани во вторник на состанокот на министри за внатрешни работи.
Договорот нема многу да помогне врз моменталното ублажување на хаотичната состојба и тензии, на пример меѓу Хрватска и Србија, или да го забави дотокот на бегалци од Турција на грчките острови, констатира Reuters.
„Мерките што денес ги прифативме нема да ја ублажат кризата“, рече Туск, при тоа додавајќи дека доколку не дојде до промени, Шенгенот ќе постои само теоретски.
Италијанскиот премиер Матео Ренци рече дека договорениот пакет за разместување и депортации со помош на ЕУ, како и европското финансирање на пограничните европски сили значи дека партнерите на Рим конечно ги прифатиле барањата што оваа земја ги повторува со години, за товарот со мигрантите што доаѓаат по морски пат, да се распореди порамномерно.
Унгарскиот премиер Виктор Орбан рече дека неговата земја со изградбата на оградата само ги спроведувала правилата на ЕУ и порача дека Атина, доколку не може да ги штити сопствените граници, би морала да побара помош.
Претседателот на ЕК Жан Клод Јункер рече дека ЕУ ги удвоила средствата за миграција на 9,5 милијарди евра. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Експлодира бензинска пумпа во Рим, неколку повредени, тројца со сериозни изгореници
Неколку лица се повредени, меѓу кои тројца со сериозни изгореници, по експлозија на бензинска пумпа во Рим, јавуваат медиумите.
#Últimahora 🚨 Sentida en #Roma una fuerte explosión originada en un depósito de combustible de #Centocelle. Hay varios heridos.#Rome #Italia #Italypic.twitter.com/DNyPh0Vr7e
— eSPAINews (@eSPAINews_) July 4, 2025
Силна експлозија на дистрибутивна станица за бензин, дизел и течен нафтен гас на Виа деи Гордијани се слушнала во целиот италијански главен град.
Локалниот портал „Рома тудеј“ објави фотографија, на која се гледа огромен облак од чад и пламен над бензинската пумпа.
BREAKING: A powerful explosion struck a fuel depot on Via dei Gordiani in Rome, Italy, injuring multiple people. pic.twitter.com/Aw0EM1dhEW
— Weather Monitor (@WeatherMonitors) July 4, 2025
Агенцијата за јавен превоз во Рим, „Атак“, соопшти дека блиската метро-станица Теано е затворена по наредба на полицијата.
Европа
(Видео) Украинците со дронови нападнаа трафостаница во близина на Москва
Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.
Европа
(Видео) „Ова беше една од најлошите ноќи во Киев досега“, вели украинскиот министер за надворешни работи
Украинскиот министер за надворешни работи Андриј Сибиха изјави дека синоќа во Киев било „апсолутно ужасно и бессоно“ и „едно од најлошите досега“, откако Русија започна масовен, повеќечасовен ракетен и напад со дронови, врз украинската престолнина.
„Стотици руски дронови и балистички ракети паѓаа врз Киев“, објави Сибиха на платформата Икс.
Absolutely horrible and sleepless night in Kyiv. One of the worst so far.
Hundreds of Russian drones and ballistic missiles rained down on the Ukrainian capital.
Right after Putin spoke with President Trump. And he does it on purpose.
Enough of waiting! Putin clearly shows… pic.twitter.com/R0mlfUgJRx
— Andrii Sybiha 🇺🇦 (@andrii_sybiha) July 4, 2025
Тој додаде дека нападот бил извршен веднаш откако рускиот претседател Владимир Путин разговарал со американскиот претседател Доналд Трамп, заклучувајќи: „И тој го прави тоа намерно“.
„Доста чекање. На Москва мора веднаш да ѝ се воведат најстрогите можни санкции“, рече тој. Сибиха ја повика меѓународната заедница да престане да чека и решително да реагира.
„Путин јасно покажува целосно непочитување кон САД и сите оние кои повикаа на крај на војната. На Москва мора веднаш да ѝ се воведат најстрогите можни санкции. На Украина мора да ѝ се дадат сите потребни средства за нејзина одбрана“, рече тој.
Тој, исто така, предупреди дека одлуките што одложуваат можат само да го охрабрат агресорот да продолжи со теророт, заклучувајќи: „Секој криминален режим во светот сега внимателно ги следи потезите и реакциите на Путин на нив. Ако се извлече со ова, пораката ќе им биде јасна на сите. Престанете да чекате мир. Дејствувајте за да го постигнете. Мир преку сила“.
Киев синоќа беше под интензивно гранатирање со часови. Руските сили нападнаа најмалку 13 локации во градот, а според градоначалникот Виталиј Кличко, повредени се најмалку 19 лица, од кои 14 се хоспитализирани.
Гори кај Прилеп, Македонски Брод, Чашка и Велес – пресек на состојбата со пожарите
На територијата на државата се евидентирани вкупно осум пожари на отворен простор, од кои активни се четири, соопшти Центарот за...
(Видео) Со див приклучок на водоводната мрежа полевал илјадници метри земјиште – Град Скопје поднесе кривична
Град Скопје информира дека денеска е откриен нов див приклучок на мрежата за питка вода на подрачјето на општина Сарај,...
„Ова не е буцни прачка, пиј вино“ – Тошковски уверува дека се постапува за дивоградбите во Чаир
Министерството за внатрешни работи постапува по наредба од јавен обвинител во врска со случаите на дивоградби на подрачјето на скопската...
Куќен притвор за возачот што го усмрти Југослав на кеј, претходно бил осудуван за насилство и непочитување на ковид мерки
Судот му определи куќен притвор на 25-годишниот скопјанец кој со мотор без дозвола го усмрти Југослав Николовски (68) на пешачка...
17-годишник загина во сообраќајка во Кичево – возел мотор и се судрил со „ауди“
Несреќа со смртни последици се случи вчера во Кичево, пришто животот го загуби 17-годишно момче од овој град, кое управувало...
Трамп го потпиша својот „голем, прекрасен“ закон: „Никогаш не сум видел толку среќни луѓе“
Претседателот на САД, Доналд Трамп, вчера во Белата куќа потпиша голем пакет даночни олеснувања и намалувања на јавните трошоци, на...
Пеколни горештини во Македонија, температурата денес ќе достигне 41 степен
Македонија е под топлотен бран. Според метеоролозите, времето денес ќе биде сончево и многу топло со мала до умерена локална...
Маргини: Луѓето не заминуваат оти се откажале од формирање семејства, туку зашто државата се откажала од нив
Коалицијата Маргини ја осудува изјавата на премиерот Христијан Мицкоски дека „време е за држава каде што ќе се раѓаат повеќе...
Тенис на Вимблдон или трки на коњи во Аскот
Танталови маки за англиската аристократија Од специјалниот известувач од Вимблдон Во Велика Британија временските прилики се најчесто неприлики доколку планирате...
Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео
Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...
Претходно осудувано лице: скопјанецот кој го усмрти пешакот со мотоцикл, немал возачка дозвола
Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...
МНР со детали за несреќата во Србија: загинатиот Македонец има 39 години, тешко повреден е уште еден македонски државјанин
МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...
МВР со апел до граѓаните: да не отвораат линкови од СМС пораки, можат да бидат цел на криминални групи
Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...
Јаневска: Во изминатите седум години имаме 17.000 ученици и 7.000 студенти помалку, се празнат училниците
Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...
Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација
За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...
Драма во Шуто Оризари – насилници со палки, боксови и со клоци претепале вработен во „Водовод“
Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...
Поднесено обвинение против директорот на болницата за геријатрија за примање поткуп од 20.000 евра
Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...
Владата размислува да ги даночи немажените и неженетите, рече Мицкоски
Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
