Европа
Случај Charlie Hebdo: На полицајци и новинар ќе им се суди за прерано објавување на идентитетот на напаѓачите
На две полицајки, на новинар и на поранешен агент на француската разузнавачка служба ќе им се суди поради тоа што на социјалните мрежи прерано го објавиле идентитетот на браќата Куаши на самиот ден на нападот во редакцијата на парискиот сатиричен весник Charlie Hebdo на 7-ми јануари 2015 година, објавија во петокот извори од француското правосудство.
На двете полицајки ќе им се суди поради одавање професионална тајна, за што им се заканува казна од една година затвор и глоба од 15.000 евра, пренесува AFP повикувајќи се на државното обвинителство во Париз.
Жените работеле во јавната безбедност во два града во внатрешноста на Франција, рекол неименуван полициски извори, и не им припаѓале на службите задолжени за истрагата за масакрот во редакцијата на Charlie Hebdo кога беа убиени 12 луѓе, меѓу кои двајца полицајци, во времето на извршување на делото.
Тие се осомничени дека фотокопии од личните исправи на браќата Куаши предале на поранешниот агент на француската надворешна разузнавачка служба DGSE, Пјер Мартенет, кој работел тогаш како приватен детектив и на својот профил на Facebook ја објавил потерницата по двајцата напаѓачи и нивниот наводен помагач. Тој подоцна беше ослободен како осомничен, но неговото име извесно време потоа циркулираше на социјалните мрежи.
Едно друго лице, многу активно на социјалните мрежи, фоторепортерот Жан-Пол Неиј, на микроблогот Twitter објавил фотографија на Саид Куаши со лична карта, потерница и картон со податоци за Шериф Куаши.
На Пејр Мертенет и на Жан-Пол Неиј ќе им се суди поради одавање професионална тајна, прецизирал соговорникот на агенцијата.
Парискиот државен обвинител Франсоа Молен истакна дека поради изнесување на податоци во јавноста тогаш „изостана ефектот на изненадување“. Официјалната потерница била објавена во три часот утрото.
Истрагата доверена на Главниот инспекторат на државната полиција (IGPN), која се третира како полиција во полицијата, не довела до името на оној кој на двете полицајки им ги дал фотокопиите од документите на браќата Куаши.
„Слободата на информирањето претставува право, но не е апсолутно право. Тоа право мора да има одредени утврдени граници поврзани со човековите права и со текот на истрагата, во прв ред со прашањата од безбедноста и достоинството на жртвите“, порача во петокот обвинителот Молен.
Терминот за почетокот на судскиот процес сé уште не е утврден. Би можел да започне налето, рекол за AFP правосуден извор./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.