Скопје
Бесплатни ужинки и излети за учениците во Карпош
Учениците од прво и второ одделение од основните училишта на територија на Општина Карпош оваа година ќе имаат бесплатни ужинки, а на учениците од прво до петто одделение ( од I до V одд.) еднодневните излети исто така ќе им бидат платени од општинската каса.
Ова беше решено на денешната седница на Советот на Општина Карпош со прифаќање на измените во Предлог-Програма за изменување и дополнување на Програмата за дејноста образование за 2014 година. Ваквата бенефиција за учениците стартуваше минатата година со бесплатни ужинки за првачињата, а предвидено е секоја година во бенефициите да се вклучуваат децата од еден клас погоре.
Инаку на денешната 19. Седница на Советот на општина Карпош беше донесена Одлука за спроведување на постапка за вршење на итна дезинфекција и дератизација на Јавните установи, општински детски градинки и општинските основни училишта на територијата на Општина Карпош, како превенција од епидемијата на жолтица.
Од позначајните одлуки кои беа донесени на денешната седница се и Одлука за изменување и дополнување на Одлуката за утврдување на стапките на даноците на имот, со која оваа давачка се зголеми за 0,5 насто, односно наместо досегашните 3 % на територија на Карпош тој ќе изнесува 3,5 %./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.
Скопје
Неколку скопски општини утре ќе останат без струја
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров.
Како што соопшти РЦУК – Скопје, прекинот е поради технички зафати во електро дистрибутивната мрежа.