Црна хроника
Го претепале откако ги фатил како му крадат ореви
Еден струмичанец со тешки телесни повреди префрлен е на ургентниот центар во Скопје, откако бил претепан од неколку непознати лица кои му крадел ореви од нивата.
Еден струмичанец со тешки телесни повреди префрлен е на ургентниот центар во Скопје, откако бил претепан од неколку непознати лица кои му крадел ореви од нивата.
Инцидентот се случил во неделата околу 12,00 часот во атар на с.Ангелци-Струмица, кај м.в.„Тенкиот пат“ или „Ковачница“, кога З.Т.(49) од Струмица, отишол да го види своето лозје, по што затекнал како две непознати лица вршат кражба на ореви од нивата.
Кога отишол и им ги земал оревите, настанала расправија помеѓу нив, по што лицата си заминале. По кратко време тие дошле со уште две три непознати лица и почнале да го удираат З.Т. во пределот на главата, нанесувајќи му тешки телесни повреди.
Неможејќи да се справи со истите, побарал помош од присутните во соседните ниви, по што дошле В.К.(52) и В.Т.(69), кои кога виделе дека е повреден, го качиле во тракторска приколка и го однеле во с.Ангелци, од каде го пренеле во МЦ-Струмица, каде му се констатирано тешки телесни повреди во пределот на главата.
Поради сериозноста на повредите и во неконтактибилност, истиот е пренесен во УЦ-Скопје. По обавениот разговор со В.К. и В.Т., утврдени се можните извршители на делото. Во ПС приведени се М.П.(23) и Ѓ.П.(14) од с.Ангелци-Струмица, а се преземаат мерки за пронаоѓање на останатите сторители. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.