Црна хроника
Двојно убиство во Охрид
Две лица се убиени во оружен инцидент што во четвртокот, 30 минути пред полноќ , се случи во угостителскиот објект Император на улица „15-ти Корпус“ во Охрид, пренесува ohridnews.
Две лица се убиени во оружен инцидент што во четвртокот, 30 минути пред полноќ , се случи во угостителскиот објект Император на улица „15-ти Корпус“ во Охрид, пренесува ohridnews.
Како што информира СВР Охрид, засега непознато лице со истрели од пиштол смртно застрелало две лица.
Напаѓачот е во бегство и полицијата трага по него. Неофицијално еден од убиените е сопственикот на угостителскиот објект Император.
Причините за овој немил настан кој ја потресе охридската јавност сè уште се непознати.
За кус период ова е второ двојна убиство во Охридско-струшкиот регион. Пред околу 10 дена жител на Вевчани, со огнено оружје уби двајца свои сограѓани.крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.