Регион
Изборите во Грција на 20-ти септември, се топи поддршката за Ципрас
Грчкиот претседател Прокопис Павлопулос го потпишал во петокот указот за распуштање на парламентот за вонредните парламентарни избори да можат да се одржат на 20-ти септември, изјавија од неговиот кабинет, а истовремено последните истражување на јавното мнение покажуваат дека владејачката коалиција на радикалната левица Сириза и премиерот Алексис Ципрас ја губат предноста и популарноста кај избирачите.
Премиерот Алексис Ципрас минатиот четвртокот ја поднесе оставката на неговиот кабинет што отвори простор за одржување предвремени избори, со амбиција да ја зацврсти својата власт, само седум месеци по доаѓањето на власт со предвремените избори од 25-ти јануари. Неговите желби, како и на дел од домашната јавност и на меѓународната заедница, беа изборите да се одржат што поскоро – на 20-ти септември, за да нема застој во исполнувањето на договорот за новата програма за финансиска помош на Грција во износ од 86 милијарди евра.
„Потпишан е указот за распуштање на парламентот. Изборите ќе се одржат на 20-ти септември“, ја пренесе Reuters изјавата на функционер кој сакал да остане анонимен.
Последните анкети покажуваат дека Сириза на премиерот во заминување Алексис Ципрас ја губи големата популарност и ќе води тешка борба со конзервативната Нова демократија. Повторно по изборите ќе биде најголемата партија, но нема да освои онолку пратенички места колку што посакува за да има цврста позиција.
Испитувањата на јавното мнение покажуваат дека речиси две третини од избирачите сметаат дека Цирпас не требало да бара нов мандат, како и дека неговиот омилен коалициски партнер нема да го мине изборниот праг и да влезе во парламентот. Тоа упатува на заклучокот дека неговата тактика со предвремените избори да ја консолидира својата власт може да се изјалови, иако сé уште повеќе од четвртина (25,5 отсто) од гласачите се неодлучни, па конечниот избор е далеки од извесен.
Радикалната левичарска партија Сириза има поддршка од 23 отсто од избирачите, а конзервативната Нова демократија од 19,5 проценти, според истражувањето чиишто резултати се објавени во петокот во весникот Efimerida Ton Syntakton, што го спровела агенцијaта ProRata.
До потпишувањето на третиот пакет за финансиска помош со меѓународните доверители, Сириза беше во водство пред конзервативците кои го поддржуваа меморандумот со 16 до 20-процентни поени. Според анкетите спроведени веднаш по оставката на Ципрас, разликата меѓу Сириза и Нова демократија се намали дури до 2 до 3-процентни поени. На изборите во јануари годинава Сириза освои 36 отсто од гласовите.
Трета според популарноста со 6,5 отсто е неонацистичката Златна зора, чие дело како злосторничка организација сé уште треба да се разгледува во судот.
Во парламентот би влегла и новата партија чии пратеници излегоа од Сириза, а ја води поранешниот министер на Ципрас за енергетика, Панајотис Лафазанис. Фракцијата именува како Национално единство има поддршка од 3,5 отсто од гласачите.
Изборниот праг од 3 отсто нема да го надмине, пак, сегашниот коалициски партнер на Сириза, националистичката партија Независни Грци (Анел), на Павлос Каменос која добила 2 отсто доверба меѓу испитаниците.
Во парламентот ќе влезат, според споменатата анкета, Комунистичката партија на Грција (ККЕ) со 5 отсто од гласачите, социјалистите од Пасок со 4,5 проценти, паријата Потами (Река) има 4 отсто, а околу 3 проценти во анкетите добива Сојузот на центарот Василис Левентис.
Според ова истражување, Сириза нема да може самостојно да формира влада, а имајќи предвид дека Ципрас веќе најави дека нема да прави коалиција со Нова демократија, со Пасок и со Потами, може да остане без сојузниците во парламентот. Доколку другите партии коишто би влегле во парламентот не изразат желба да коалицираат со него.
Ципрас и натаму е најпопуларниот политичар во Грција и позитивно го доживуваат 41 отсто од испитаниците, додека новиот челник на Нова демократија, Вангелис Меимаракис има поддршка од 34 отсто од гласачите.
Меѓутоа, дури 64 отсто од испитаниците одговориле дека Ципрас згрешил со одлуката да оди на предвремени избори, додека 68 отсто од нив сметаат дека Грција мора да остане во еврозоната по секоја цена, па дури и доколку тоа претпоставува и нови мерки за штедење.
Ципрас настојуваше да се одржат избори во најкус можен рок, поради тоа што во септември и октомври веќе настапуваат мерките предвидени со договорот за новиот пакет помош. А бидејќи тој предвидува нови мерки за штедење, реформи на пензискиот, здравствениот и даночниот систем, нови даноци и приватизација, тоа може дополнително да ја намали изборната поддршка на Сириза. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Тројца загинати и седум лица во тешка состојба по превртување на автобус кај Сремска Митровица
Состојбата на повредените во тешката сообраќајна несреќа што се случи кај Сремска Митровица, во која животот го загубија три лица, и понатаму е сериозна, изјави денеска директорот на Општата болница во Сремска Митровица, д-р Војислав Мирниќ.
„Хоспитализирани се 39 пациенти. Од нив, седум се со потешки повреди и се наоѓаат на одделенијата за интензивна нега, додека 15 пациенти се подготвени за отпуст,“ рече Мирниќ.
Тој прецизираше дека 13 пациенти од Одделението за општа хирургија и двајца од Одделението за ортопедија се во стабилна состојба и наскоро ќе бидат пуштени дома.
„Се врши дополнителна дијагностика за сите пациенти, а во наредните 48 часа очекуваме уште дел од нив да бидат подготвени за отпуст. Посетите во болницата се дозволени од 14 до 16 часот,“ додаде Мирниќ.
Во несреќата, која се случила на патот меѓу Сремска Митровица и селото Јарак, загинале три лица – две на самото место и едно во болница, од последици на тешките повреди.
Вкупно 61 патник бил прегледан во митровачката болница, а 39 лица биле задржани на лекување. Осуммина се на интензивна нега, дваесетмина на општа хирургија, а единаесетмина на ортопедија.
Еден пациент е префрлен во Ургентниот центар во Нови Сад, а друг во Белград на понатамошно лекување.
Автобусот на превозникот „Сирмиум бус“, кој превезувал работници, под засега непознати околности излетал од патот и се превртел. Возачот на автобусот, Д. К. (1955), е уапсен поради сомнение дека ја предизвикал несреќата во која загинаа три лица. Нему му е одредено задржување до 48 часа, по што ќе биде изведен пред надлежното обвинителство со кривична пријава.
Регион
Трета жртва од тешката сообраќајка во Сремска Митровица – почина за време на операцијата
Уште едно лице загинало по сообраќајната несреќа што се случи денес во Сремска Митровица, кога автобус се преврте и излета од патот. Ова е третата жртва на ужасната сообраќајна несреќа.
Како што објави „Н1“, лицето загинало за време на операцијата.
Како што претходно беше објавено, возачот на автобусот е приведен и во притвор до 48 часа.
Повредени се околу 80 лица. Причините за несреќата засега не се познати.
Регион
Вучиќ: Србија ќе се приклучи на развојот на руската вакцина против рак
Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Скандал во студентскиот дом „Гоце Делчев“, студент снимал девојки додека се туширале
Студент бил фатен како тајно снима студентка во студентскиот дом „Гоце Делчев“ во Скопје. „На 16 октомври 2025 во 20...
Возел со 3,32 алкохол во крвта и направил сообраќајка
Кавадарчанец бил лишен од слобода, со 3,32 промили алкохол во крвта управувал возило и учествувал во сообраќајка, информираа денеска од...
ДИК: Вкупно 8.848 болни или немоќни лица денес можат да го остварат своето право на глас
Денес се спроведува гласањето на болните или немоќни лица, лицата кои се на издржување на казна затвор или се во...
ОЈО Струга отвори предмет за спомен-куќата на Владо Малески
Основното јавно обвинителство Струга оформило предмет во врска со уривањето на спомен-куќата на Владо Малески, при вршење градежни работи во...
Куманово со најмногу гласачи 94.041, Лозово со најмалку 1.905
Право на глас на осмите Локални избори 2025 в недела имаат 1.832.415 гласачи, од кои 1.717.803 во земјата и 112...
Од ноќеска на полноќ заклучно со 19:00 часот на 19 октомври е изборен молк
Од ноќеска на полноќ заклучно со 19:00 часот на 19 октомври е изборен молк. Агенцијата за аудио и аудиовизуелни медиумски...
Трета жртва од тешката сообраќајка во Сремска Митровица – почина за време на операцијата
Уште едно лице загинало по сообраќајната несреќа што се случи денес во Сремска Митровица, кога автобус се преврте и излета...
Трамп: Царината од 100 отсто за кинеска стока не е одржлива, но бев принуден на тоа
Американскиот претседател Доналд Трамп изјави дека неговата најавена царина од 100 проценти на кинеска стока не е одржлива, но дека...
Контролорите за летање нема да штрајкуваат, но обвинуваат за незаконска одлука и лоши услови за работа без вода и систем за греење
Струковиот синдикат на контролори на летање на Македонија соопшти дека ќе ја почитува одлуката на Граѓанскиот суд во Скопје со...
Одобрено обвинението против сопственикот на фирмата за обезбедување на „Пулс“
Кривичниот суд информира дека е одобрено и второто обвинение за пожарот во дискотеката „Пулс“ во Кочани, со што предметот преминува...
Штитеници во установа за згрижување деца имале сексуален однос пред 12-годишно дете
Вчера во 16:45 часот во СВР Скопје е пријавено дека во август 2025 година во соба во установа за згрижување...
Пукање во Ѓорче Петров, жител пријавил дека му е скршен прозорецот од дневната соба, а во куќата нашол две зрна од оружје
Доцна синоќа во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот...
Се гледаме во вториот круг, рече Шукова и повика недела да биде празник на демократијата и на слободата на одлучување
Кандидатката за градоначалничка на Скопје од СДСМ, Каја Шукова, ја заокружи кампањата за првиот изборен круг со повик до граѓаните...
Секој изгубен ден во политички престрелки е изгубена можност за Скопје, в недела масовно да излеземе, повика Ѓорѓиевски
На последниот ден од изборната кампања за првиот круг на локалните избори, кандидатот за градоначалник на Скопје од ВМРО- ДПМНЕ,...
Андоновски: Македонија добива современ и сеопфатен план за дигитален развој
Министерот за дигитална трансформација, Стефан Андоновски, денеска ја претстави новата Национална стратегија за информатичко-комуникациски технологии – „СМАРТ/МК 2030“, со што,...
Нема моќно оружје за Украина: Трамп ја менува приказната по разговорите со Путин
Американскиот претседател Доналд Трамп денес ќе го угости украинскиот претседател Володимир Зеленски во Белата куќа, но има сè повеќе знаци...
(Фото) Министерот за здравство се вакцинира против грип: Апелирам граѓаните навреме да се заштитат
Министерот за здравство Азир Алиу денеска го посети одделението за епидемиологија во Гостивар, каде и тој прими вакцина против сезонскиот...
(Видео) Русија: Нападнавме украински аеродром, каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп – Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин ја споменал можноста Украина...
