Регион
Нуланд го пофали политичкиот и економскиот напредок на Црна Гора
Американскиот заменик државен секретар за Европа и Евроазија Викторија Нуланд во саботата во Подгорица го пофалила политичкиот и економскиот напредок на Црна Гора, како и ситуацијата со безбедноста во земјата, пренесува Бета.
На средбите со црногорскиот државен врв, таа, сепак, потенцирала дека работата не е завршена и дека треба да се продолжи со реформите во областите на безбедноста, владеењето на правото, борбата против корупцијата и слободата на медиумите.
Нуланд го пофалила новиот закон за службите за безбедност, кој е во подготовка, оценувајќи дека тој на известувачките служби ќе им го гарантира она што им е потребно во 21-от век, како и дека со овој акт ќе бидат прифатени стандардите на НАТО.
„Сé посилната НАТО демократија мора да биде отворена за предлози, но и да биде отворена кон своите граѓани, низ слободните медиуми“, изјавила Нуланд.
Коментирајќи ја одлуката на Брисел да ја одложи поканата на Црна Гора за членство во НАТО до крајот на 2015 година, Нуланд порачала дека дотогаш земјата треба „да ги засука ракавите“, а ќе ја добие и поддршката од САД во правењето на неопходните реформи.
Таа додала дека Вашингтон го цени придонесот на Црна Гора за регионалната стабилност, констатирајќи дека за оваа цел „не се толку посветени“ и сите соседи на Црна Гора.
Нуланд, исто така, потенцирала дека членките на НАТО на претстојниот самит во Велс ќе ги пофалат напорите на Црна Гора и ќе ја охрабрат да го „премине последниот километар“ кон членството во Алијансата.
По Подгорица, Нуланд во недела ќе престојува во посета на Белград и Приштина, а во понеделник ќе го посети и Скопје, како дел од својата регионална турнеја./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.