Црна хроника
Приведен Сириец со португалска лична карта
Македонските погранични полициски службеници во понеделникот откриле сириски државјанин кој поседувал фалсификувана португалска лична карта, којашто ја купил од Иранец.
Македонските погранични полициски службеници во понеделникот откриле сириски државјанин кој поседувал фалсификувана португалска лична карта, којашто ја купил од Иранец.
Триесет и тригодишниот Сириец бил откриен кога при пасошка контрола на граничниот премин „Табановце“ приложил на увид португалска биометриска лична карта. Пограничните служби утврдиле дека станува збор за фалсификувана лична исправа, а потоа од разговорот утврдиле дека тој претходно во Атина од непознато лице по потекло од Иран ја купил личната карта за 100 евра.
Против него е поднесена кривична пријава за дело „фалсификување исправа“, соопштија од министерството за внатрешни работи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.