Европа
Ердоган: Турција ќе го поддржува Азербејџан „до крај“
Турскиот претседател Реџеп Тајип Ердоган изјави во неделата дека Турција „до крај“ ќе ги поддржува Азербејџан во судирот со Ерменија поради областа Нагорно Карабах, по борбите во коишто во последните два дена загинаа повеќе од 30 луѓе.
„Се молиме нашите азербејџански браќа славодобитно да победат во овие борби со најмали можни загуби“, изјави Ердоган кој е во посета во САД, соопшти неговиот кабинет. „Ќе го поддржуваме Азербејџан до крај“, додал.
Ова се најжестоките судири по примирјето до 1994 година со кое беше завршена војната, но не е решено кому му припаѓа оваа област која географски е во Азербејџан, а е населена речиси исклучиво со Ерменци.
Ердоган ја нападна и Групата од Минск која со години се обидува да најде решение за судирот, под покровителство на Франција, Русија и САД. „Доколку групата од Минск донесеше праведни и одлучни мерки, ваквите нешта не би се случувале“, истакнал Ердоган.
Турција, која наметнува силни културни и јазични врски со Азербејџан по распадот на СССР, е важен сојузник на Баку. Напротив, со Ерменија нема дипломатски односи, поради спорот за масовните масакри на Ерменците во Османлиското царство во 1915 година,со околу два милиона жртви, кој Ереван и повеќе западни земји го сметаат за геноцид, што Анкара не сака да го признае.
Истовремено азербејџанските и ерменските сили во неделата спорадично разменуваа оган на границата на Нагорно Карабах, каде во петок и во саботата се убиени повеќе од 30 луѓе.
Русија и Западот ги повикаа двете страни на мир и прекинување на судирите, и во саботата вечерта се чинеше дека ситуацијата е стабилизирана, по судирите во кои има две цивилни жртви меѓу 30-те загинати војници на двете страни.
„Ерменските сили го прекршија прекинот на огнот 130 пати во текот на ноќта истрелувајќи оган од минофрлачи и автоматско оружје. Оган истовремено беше отворан и од Ерменија и од Багорно Карабах, област која Ерменците ја окупираа“, објави азербејџанското министерство за одбрана и додаде дека „Азербејџанската војска одговорила“. Ерменското министерство за одбрана објави дека „борбите продолжиле во неделата наутро “ во Карабах и дека „Азербејџанците се обидоа да нападнат, но сите обиди им се одбиени“.
Во судирите коишто започнаа ноќта кон саботата и продолжија во текот на денот убиени се 18 ерменски и 12 азербејџански војници. Секоја од страните наведува и дека загина и по еден цивил.
Станува збор за најтешките судири меѓу Баку и Ереван од потпишување на примирјето во 1994 кога беше сопрена војната околу Нагорно Карабах. И покрај обидите на меѓународните посредувања, примирјето по линијата на разграничување редовно е нарушувано од престрелките меѓу азербејџанската и војската на сепаратистите кои ги поддржува Ереван. Двете земји уште го немаат потпишано мировниот договор за Нагорно Карабах, за чиј статус меѓународната заедница нема јасен став/
Нагорно Карабах е регион административно сместен во рамките на Азербејџан во времето на Советскиот сојуз кој е главно населен со Ерменци. Конфликтот започна во февруари 1988 година кога Нагорно-Карабашката автономна област прогласи самостојност и истапување од тогашната Азербејџанска ССР. На почетокот од 1990-те кога се распадна СССР, ерменските сепаратисти успеаја да ја преземат контролата над таа област во војна во којашто загинаа 30.000 луѓе.
Војната заврши со примирје во 1994 година, а до 1992 година се водат преговори во рамките на мисијата на ОБСЕ во Минск. Азербејџан инсистира на зачувување на територијалниот интегритет, а Ерменија ги застапува интересите на отцепената република, додека самопрогласената Нагорно-Крабашката република чиј центар е Степанакерте не е страна во преговорите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Фото) Телото на директор на Путин пронајдено обезглавено под мост: нова мистериозна смрт на руски бизнисмен
Алексеј Синицин, извршниот директор на производителот на калиумова сол „К-Поташ сервис“, беше пронајден мртов во близина на Калининград. Тој е 19-тиот руски бизнисмен што почина под мистериозни околности од почетокот на руската инвазија на Украина, објави „Москва тајмс“.
Најмалку 19 високи раководители и бизнисмени, многумина поврзани со руските нафтени и гасни гиганти, вклучувајќи ги „Лукоил“, „Газпром“ и „Транснефт“, починаа под сомнителни околности во Русија и во странство од 2022 година.
Tragic mystery in Kaliningrad: CEO of “K-Potash Service,” Alexey Sinitsyn, found decapitated under a bridge with a towing cable nearby. Authorities are investigating. What really happened? #Mystery #Kaliningrad #CrimeNews pic.twitter.com/M5I348U2Ou
— ceanmedia (@ceanmedia) September 8, 2025
Телото на Синицин било пронајдено обезглавено под мост, со сајла за влечење прицврстена на неговото тело, објави рускиот државен медиум „РИА новости“ повикувајќи се на полициски извор. Сепак, „Киев Индепендент“ не можеше да ги потврди наводите.
The CEO of one of Russia’s largest potash producers, Alexey Sinitsyn, was found dead near Kaliningrad Monday https://t.co/ivvsDqC7F3
— The New York Sun (@NewYorkSun) September 9, 2025
Мистериозни смртни случаи на руски бизнисмени
Минатиот месец починаа Дмитриј Осипов, претседател на одборот на директори на „Уралкали“, еден од најголемите руски производители на калиумови соли, и Михаил Кенин, основач и мнозински сопственик на водечката градежна компанија „Самолет“. Причините за смртта не беа објавени.
Од почетокот на целосната инвазија на Русија врз Украина регистрирани се низа смртни случаи под нејасни или необични околности не само во деловните кругови туку и меѓу полицијата и владините претставници.
фото: принтскрин
Европа
(Видео) Француската полиција извлече пијан патник од авион: „Тој почна општа тепачка“
Во четвртокот имаше вистински хаос на летот на „Рајанер“ од Борнмут, Англија, до Жирона, Шпанија. Летот мораше да биде пренасочен кон Тулуз откога пијан патник се обиде да ја отвори вратата на авионот предизвикувајќи општа тепачка.
Според сведоците, инцидентот почнал кога пијан маж почнал да вика „сакам да си одам“ и се упатил кон излезот за итни случаи. Другите патници веднаш реагирале и се обиделе физички да го совладаат, но тој одговорил со плукање и удирање. Целата ситуација ескалирала во општа тепачка.
„Целиот инцидент бил многу трауматичен. Човекот отишол во тоалет, потоа се обидел да отвори една од вратите за итни случаи. Потоа се обидел и со другите. Потоа почнала голема тепачка со мажите што се обидувале да го оддалечат од вратата“, рекол еден патник.
@thesun Shocking moment drunk man is dragged off plane after trying to open door mid-air and brawling with other passengers. #news #plane #brawl ♬ original sound – The Sun
Некои од патниците рекле дека доживеале напади на паника.
„Почнаа да се тепаат на средина од авионот. Траеше 30-ина минути. Беше ужасно, имаше крв насекаде. Луѓето врескаа и плачеа“, додал друг сведок. Насилниот патник на крајот бил совладан и соборен на подот, а глуждовите му биле врзани со дел од безбедносниот појас.
„Сакаше да оди во тоалет додека полетувавме. Кога го замолија да седне, извика ‘морам да одам, другар’, но потоа седна. На средина од летот почна да се затетерува и се обиде да ја отвори вратата од авионот. Беше целосно пијан и сакаше да излезе“, опиша трет сведок.
Sécurité aérienne : un vol Ryanair, qui effectuait la liaison entre l’Angleterre et l’Espagne, a été dérouté en urgence vers l’aéroport de Toulouse à cause d’un passager britannique, ivre, qui a tenté d’ouvrir une porte de secours en plein vol, provoquant la panique parmi les… pic.twitter.com/eoxbBmpbtu
— Infos Françaises (@InfosFrancaises) September 6, 2025
„Двајца мажи се обидоа да го смират и да го совладаат, а тој почна да ги удира и да плука по сите. Еден крупен човек го предупреди дека ќе го собори ако продолжи и го турна на земјата“. По слетувањето во Тулуз, човекот беше пречекан на пистата од 13 француски полицајци и беше симнат од авионот. Летот потоа продолжи за Жирона, а авионот слета со речиси два часа задоцнување.
фото: принтскрин
Европа
Левицата победи во Норвешка: историски резултат за десничарските популисти
Левицата, предводена од премиерот Јонас Гар Сторе од Лабуристичката партија, ќе остане на власт во Норвешка откако победи на парламентарните избори обележани со подемот на популистичката десница, која го постигна својот најдобар резултат во својата историја.
По изборите фокусирани на локални прашања, но под влијание и на геополитичките турбуленции, со речиси сите преброени гласови, се очекува левичарскиот блок да освои тесно мнозинство од 87 од 169 места во Парламентот.
„Знаевме дека ќе биде тесно и беше. Знаевме дека мора да дадеме се од себе и дадовме се од себе. И го направивме тоа“, им рече Сторе на поддржувачите.
На власт од 2021 година, 65-годишниот премиер освои нов четиригодишен мандат, најверојатно на чело на малцинска влада.
Со речиси 28 проценти од гласовите, неговата Лабуристичка партија ќе мора да ги здружи силите со сите други левичарски партии со кои има бројни несогласувања.
фото: принтскрин
Пожар на депонијата Дрисла, Ангелов смирува дека не е алармантно, но е сложено поради хемиските процеси
Пожар избувна на депонијата Дрисла. Директорот на Дирекцијата за заштита и спасување, Стојанче Ангелов, рече дека пожарот не е алармантен,...
(Видео) Филипче во Франција: Резолуцијата е гаранција за заштита на националните интереси
Македонија мора да продолжи по европскиот пат, активно, со резултати и визија, порача претседателот на Социјалдемократскиот сојуз на Македонија, Венко...
Нема казни за институциите што до 29 септември нема да стават црвени таблички на службените возила, ќе го направат тоа при регистрација
Институциите што до 29 септември нема да ги сменат табличките на службените возила за да се спречат приватни и партиски...
Поскапуваат бензините и дизелот
Од ноќеска на полноќ цените на бензините и на дизелот ќе се зголемат за еден денар, соопшти Регулаторната комисија за...
Промовирани новите црвени таблички на службените возила: „Се става крај за нивна злоупотреба во приватни цели“
Службата за општи и заеднички работи – СОЗР ја почна официјалната примена на новите, специјални службени регистарски таблички, со што,...
„Ќе ве дигнам на клоци“, „Ќе ве фрлам од 6. кат“: виш јавен обвинител од Скопје психички малтретирал пет колешки, едната од нив добила анксиозно растројство
Виш јавен обвинител на Вишото јавно обвинителство Скопје им се заканувал и вршел континуирано психичко насилство врз пет вработени жени,...
МВР со детали за опожарениот автомобил на Галетановски: зафатени биле уште две возила
Денеска, во СВР Скопје е пријавено дека на улицата Иван Козаров во Скопје опожарено било патничко возило „бмв“, со скопски...
СДСМ ги осудува криминалниот чин и палењето на возилото на Галетановски: МВР веднаш да го расчисти случајот
СДСМ најостро го осудува криминалниот чин и палењето на возилото на претседателот на Градската организација, Ѓорѓи Галетановски. „Со доаѓањето на...
Го запалил глисерот на својот брат, пожарот се проширил на зграда и на возило: уапсен охриѓанец
Ноќеска во 03:00 часот, полициски службеници од СВР Охрид, од слобода го лишија 52-годишниот З.С. од Охрид. Тој се сомничи...
Два активни пожара во државата, два под контрола, 29 изгаснати
Во текот на изминатото деноноќие, на територијата на Република Северна Македонија се регистрирани вкупно 33 пожари на отворен простор, од...
„И СДС и Димовски признаваат дека во период на изборни циклуси бил следен и прислушуван Мицкоски“, велат од ВМРО-ДПМНЕ
„Скандалот со прислушкувањето на АНБ и АР на претседателот на ВМРО-ДПМНЕ, новинари, бизнисмени добива се поголеми размери. И СДС и...
(Видео) Силен земјотрес ја погоди Грција
Земјотрес со јачина од 5,3 степени го погоди грчкиот остров Евија во текот на ноќта и беше силно почувствуван во...
Посетата на САД ќе стане поскапа за странските патници од 30 септември
Патниците кои планираат да ги посетат Соединетите Американски Држави наскоро ќе се соочат со повисоки трошоци бидејќи повисоките такси за...
Голема победа за Трамп: Врховниот суд пресуди дека може да продолжи со рациите во Лос Анџелес
Врховниот суд на САД пресуди дека федералните рации за имиграција во Лос Анџелес можат да продолжат, укинувајќи ја претходната забрана...
Медведев обвини земја членка на ЕУ дека подготвува напад врз Русија
Заменик-претседателот на Рускиот совет за безбедност, Дмитриј Медведев, тврди дека денешна Финска, со поддршка на НАТО, води „конфронтациска политика на...
(Видео) Расте бројот на жртви во судирот на воз и автобус во Мексико: десетици повредени
Најмалку десет лица загинаа, а 61 се повредени откако товарен воз удри во двокатен автобус северозападно од Мексико Сити, соопштија...
Израел: Моќен ураган ќе ја погоди Газа, а покривите на терористичките облакодери ќе се тресат
Израел им порача на жителите на Газа веднаш да го напуштат градот откако предупреди дека ќе ги интензивира воздушните напади...
(Видео) Падна француската влада
Францускиот премиер Франсоа Бајру го изгуби гласањето за доверба што самиот го побара за својата влада. Француското национално собрание гласаше...
(Видео) Полицискиот хеликоптер денеска фрли повеќе од 30 тони вода врз дел од пожарите
Денеска полицискиот хеликоптер Бел 412 беше ангажиран во два наврати за гасење пожар во реон на село Русиново и во...
Шпанскиот премиер: Едно е да ја браниш својата земја, а друго е да бомбардираш болници и да ги изгладнуваш децата
Шпанскиот премиер Педро Санчез денес објави девет мерки против Израел, вклучувајќи ембарго за оружје, со цел „запирање на геноцидот“ што...
