Вооружен маж рани во петокот три лица, од кои три тешко, во брзиот воз „Thalys“ на релацијата меѓу Амстердам и Париз, а американскиот претседател Барак Обама им честиташе на „храброста и брзото размислување“ на патниците кои го совладаа напаѓачот, меѓу кои биле и американски војници.

Вооружениот маж рани три лица, меѓу кои и францускиот актер Жан-Иго Англад, еден Британец и американски маринец, по што беше совладан од патниците, меѓу кои и бил и ранетиот маринец. Напаѓачот беше уапсен од полицијата кога возот запрел на станицата во Арас, во северна Франција, пренесе Reuters.

Според локалните медиуми, станува збор за 26-годишен Мароканец, идентификуван како Ајуб ал-Казани кој наводно од претходно им бил познат на француските тајни служби, а бил вооружен со автоматска пушка „калашников“ и со нож, според AFP. Безбедносни извори додале дека тој бил регистриран како лице кое престојувало во Сирија, а посетувал во Шпанија проповеди на радикални свештеници.

Портпаролот на француската државна железница SNCF потврди дека напаѓачот поседувал огнено и студено оружје со кои тешко ранил две, а полесно едно лице. Според BBC, едно од тешко ранетите лица е повредено со нож, а другото со истрел од автоматот.

„Мажот отворил оган во возот Thalys меѓу Амстердам и Париз… Да се зборува за терористички мотив засега би било прерано“, изјави за телевизијата BFM-TV, портпаролот на француското министерство за внатрешни работи Пјер Анри Бранде.

Министерот за внатрешни работ на Франција, Бернар Казенев, пак, изјави во саботата дека инцидентот го истражуваат француските антитерористички иследници, како и дека на случајот, „како што и секогаш кога станува збор за сомневања во терористички напад, ќе му биде пријдено со најголема сериозност“.

„Претседателот (Барак Обама) изрази голема благодарноста на храброста и брзината на размислување на неколкутемина патници, вклучително и припадниците на американската војска, коишто несебично го оневозможија напаѓачот. Јасно е дека нивната храбра акција спречила многу поголема трагедија3, објави Белата куќа во соопштение.

Осомничениот цела ноќ бил испрашуван во полицискиот комесаријат во градот Арас, а во саботата треба да биде превезен во Главната управа за внатрешна безбедност, чие седиште е во близина на француската престолнина Париз. Според француските закони за антитероризам, тој може да биде држен во прелиминарен притвор до 96 часови, а потоа мора против него да биде подигнато обвинение./крај/мф/сн

Извор: Макфакс