Црна хроника
Охриѓанец нелегално поседувал оружје
Поради постоење основи на сомнение за сторено кривично дело „Недозволено изработување, држење и тргување со оружје или распрскувачки материи“, Секретаријатот за внатрешни работи Охрид поднесе кривична пријава против 58-годишниот С.В. од Охрид.
На 22-ри овој месец, по претходно добиена наредба од судија во претходна постапка, извршен е претрес во неговиот дом. Притоа, во една од собите на семејната куќа пронајдени се еден автоматски пиштол „Шкорпион“ и 69 парчиња пиштолска муниција калибар 7,62 милиметри. Дополнително при преглед на гаражата забележани се 15 парчиња муниција калибар 12 милиметри кои биле сокриени во платнен реденик.
При извршениот претрес, пронајдена е и една пневматска пушка „Гамо“ калибар 4,5 милиметри со потврда за истата. Пронајдените предмети се одземени и предадени на вештачење во Министерството за внатрешни работи во Скопје.
Пријавениот С.В. е лице познат на службата против кого и досега, по неколку основи, биле поднесувани кривични пријави./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.