Бугарката Веселинка Надрлјански со привремен престој во Бар, Црна Гора, е уапсена откако брутално го претепала и исфрлила од дома својот сопруг Александар, нанесувајќи му тешки телесни повреди, пишува весникот Дневне новине.

Случајот бил пријавен во полицијата во Бар откако повредениот осумдесет ипетгодишен сопруг бил згрижен во Итната служба, од каде поради сериозноста на повредите бил префрлен во Општата болница во Бар.Според сознанијата на дневниот весник од полицијата, овој невообичаен инцидент се случил во населбата Шушањ, откако сопружниците почнале да се расправаат, а потоа расправијата преминала во тепачка.Александар наводно ѝ раскажал на полицијата дека 40 години помладата сопруга го нападнале без причина и дека повеќе пати го удрила со тупаници во пределот на главата и телото, по што го исфрлила од куќата.Претепаниот маж по неколку часа се вратил во куќата, во којашто живеел со сопругата, но таа следниот ден повторно го исфрлила на улица, кога соседите го однеле во Брза помош.Овој случај е еден од оние коишто потврдуваат дека во последно време во семејното насилство не се секогаш жртви жените и децата.Во прилог на тоа тврдење одат податоците до кои дошол црногорскиот весник, дека во Црна Гора бројот на кривичните пријави во коишто мажите се жртви на насилство во последните три години варира од 35 до 50 на годишно ниво./крај/мф/