Суд во Турција повикувајќи се на пресумпција на невиноста им забрани на домашните медиуми да известуваат за работата на парламентарната истражна комисија за обвинувањата за корупција на четворица поранешни министри на исламско-конзервативната влада на Партијата на правдата и развојот (АКР).

Владиното тело за мониторинг на радијата и телевизиите – RTUK одлуката во средата судската одлука за забрана ја испрати до печатените и аудиовизуелните медиуми во Турција, со напомена дека би можеле да бидат парично казнети доколку не ја почитуваат. Во соопштението објавено и на интернет страницата на RTUK, одлуката којашто ќе стапи сила на 27-ми декември, се образложува со фактот дека некои медиуми „ја нарушиле тајноста на истрагата и начелото на пресумпција на невиност“.

Турскиот парламент под притисокот на опозицијата започна истрагата против четворица поранешни министри вмешани во голема корупциската афера која во декември 2013 година ја потресе владата на тогашниот премиер Реџеп Тајип Ердоган, кој годинава победи надмоќно на претседателските избори.

Поранешните министри за внатрешни работи, за економија и за заштита на природната околина, мораа да поднесат оставки откако беа притворени нивните синови, а нивниот колега во ресорот за европски работи беше сменет. Така, поранешниот министер за економија, Зафер Каглајан, е обвинет дека примил мито за да овозможи продажба на илегално злато на Иран кој е под меѓународно ембарго. За тоа, меѓу другото, примил и скапоцен рачно изработен швајцарски рачен часовник во вредност од 210.000 евра. Владата тогаш реагираше со невидена чистка во полицијата и во правосудство, коешто потоа ги откажа сите судски постапки кои и’ се закануваа.

Сегашната забрана за медиумите дојде еден ден пред, во четврток, парламентарната истражна комисија да го сослушува еден од четворицата поранешни министри. Опозицијата предупреди дека комисијата сака да се откаже од судскиот процес.

Повеќе турски медиуми најавија дела ќе се жалат на ваквата одлука којашто ги оневозможува да ги објавуваат сознанијата од аферата којашто може да биде многу непријатна за актуелната власт.

Западните сојузници на Анкара честопати ја критикуваа од јуни 2013 година кога избија антивладините демонстрации низ цела Турција ги обвинуваат нејзините власти дека редовно ги замолчува медиумите во врска со чувствителните прашања. Како пример се наведува и неодамнешното ослободување на 40-ина турски заложници меѓу кои и дипломати и војници, кои во Ирак беа грабнати од џихадистите на Исламската држава (IS), а подоцна по неколку седмици беа ослободени. Остана непознато, како припадниците на турското разузнавање наводно ја извеле операцијата за ослободување, а во медиумите се шпекулираше дека Анкара за возврат платила откуп или од затвор пуштила сунитски екстремисти./крај/мф/сн

Извор: AFP