Регион
Ѓукановиќ: Санкциите кон Русија не се вистинскиот пат
Санкциите кои се воведени против Русија поради украинската криза не се вистинскиот пат, оценил во четвртокот црногорскиот премиер Мило Ѓукановиќ, истакнувајќи дека и покрај традиционалното пријателство со Русија, Црна Гора има право самостојно да ја креира својата политика.
Иако сувереноста мора да биде зачувана, според Ѓукановиќ санкциите водат само кон тоа економиите на двете страни „да ослабнат“, пренесува австриската агенција АРА.
„Двете страни мораат да ги преземат сите напори за да ги надминат проблемите“, изјавил црногорскиот премиер, чија владата се придружи кон санкциите на Европската унија (ЕУ) против Русија.
Потсетувајќи дека Црна Гора до крајот на 2015 година треба да ги исполни задачите за членство во НАТО Алијансата, APA додава дека ова не е по волја на Русија и потсетува дека шефот на руската дипломатија Сергеј Лавров го нарекол како „провокација“, тоа што Алијансата се шири кон западен Балкан.
„И покрај традиционалното пријателство со Русија, Црна Гора има право да ја креира својата политика. Сакам да продолжиме со овој курс“, порачал Ѓукановиќ.
АРА уште наведува дека Црна Гора има репутација на земја каде највисоките претставници, меѓу кои и Ѓукановиќ, се поврзани со корупција и потсетува дека Европската комисија (ЕК) во последниот извешај за напредокот укажале на проблемот со корупцијата и организираниот криминал, како и притисокот над медиумите.
„На Извештајот гледаме како на објективен поглед однадвор на нашите слабости. Разбирам дека Унијата инсистира на правна држава, но проблемите не можат да се решат доколку не се пронајде нивниот корен. А коренот е недостатокот на економскиот развој“, рекол Ѓукановиќ, додавајќи дека државата ги истражувала и нападите врз медиумите.
„Нападот на медиумите значи напад на европскиот пат. Државата направи некои работи за да ја зголеми слободата на медиумите“, истакнал црногорскиот премиер./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.