Европа
Над 180 украински војници кои пребегаа во Русија се враќаат во татковината
Повеќе од 180 украински војници ќе заминат за своите домови од Ростовската област во Русија каде што ноќта кон понеделникот вкупно 483 војници преминаа низ коридор отворен меѓу позициите на проруските бунтовници од украинската страна на границата, пренесува Итар-Тасс повикувајќи се на портпаролот на пограничната управа на ФСБ.
Повеќе од 180 украински војници ќе заминат за своите домови од Ростовската област во Русија каде што ноќта кон понеделникот вкупно 483 војници преминаа низ коридор отворен меѓу позициите на проруските бунтовници од украинската страна на границата, пренесува Итар-Тасс повикувајќи се на портпаролот на пограничната управа на ФСБ.
„Пограничната служба на Федералната служба за безбедност (ФСБ) на руската Федерација за Ростовската област организираше преминување на границата за украинските војници кои изразија желба да се вратат во татковината“, изјави портпаролот Василиј Малаев.
Украинските војници биле транспортирани со автобуси и оклопни возила. Се претпоставува дека нивното предавање на украинските власти ќе се случи во понеделник на граничниот пункт „Мавеев-Курган“ од руската страна, односно „Успенка“ од украинската страна. Овој премин и претходно беше користен за предавање на телата на загинати или ранети украински војници на тамошните власти, како и оние кои за да избегнат судири или кои одбиваат да се борат со проруските бунтовници чии позиции се крај границата минуваат на руска територија.
Откако во неделата нова група од 12 украински војници минаа на руската територија кај ростовската област, ноќта кон понеделникот 438 војници, меѓу кои најмногу се припадници на 72-та моторизирана бригада и на порганичните сили на украинската армија, се префрлија без оружје во Русија. Според руската страна тие пред да мината го уништел оружјето и муницијата, додека Киев потврдувајќи го случајот соопшти дека тие биле принудени на тоа бидејќи биле опколени од бунтовниците, големо количество од воената техника им било уништено а останале и без муниција.
Според непотврдени податоци, повеќе од 400 украински војници кои изминатиот период ги напуштија своите единици сé уште не донеле никаква одлука и натаму остануваат на територијата на Русија.
Според извори од руските безбедносни служби на Итар-Тасс, украинските војници кои преминуваат во Русија изјавувале дека „не сакаат да војуваат против сопствениот народ“. Повеќето од нив биле мобилизирани во Украина и побарале преку Русија да се вратат во татковината, и покрај тоа што таму ги очекува повикување на одговорност поради дезертирање./крај/мф/сн
Извор: Итар-Тасс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсени две млади момчиња: планирале напад со нож на верници во синагога во Германија
Германските власти денеска соопштија дека уапсиле двајца мажи осомничени дека планирале напад со нож врз верници во синагога во Хајделберг, на југозападот на земјата.
Осомничените, на возраст од 24 и 18 години, беа приведени за време на одделни полициски операции во покраината Баден-Виртемберг на почетокот на овој месец, соопштија државните обвинители и полицијата, пренесе АП.
Тие разговарале за убиство на еден или повеќе верници во напад на синагогата, по што ќе следуваше нивна „маченичка смрт“, а сакаа полицијата да ги убие, се вели во заедничкото соопштение на германските власти.
Осомничените се соочуваат со обвиненија за заговор за убиство.
Полицијата го открила заговорот со претрес на домот на повозрасниот осомничен на 3 мај.
При претресот, полицаецот пукал и ранил еден од осомничените откако се фатил за нож.
Доказите запленети за време на претресот вклучуваат размена на онлајн пораки меѓу двајцата осомничени во април, во кои тие разговарале за можен напад на синагогата, соопштија властите.
На 18 мај полицијата го приведе помладиот осомничен и изврши претрес во неговиот стан.
Двајцата осомничени се германски државјани, а 18-годишникот има и турско државјанство, соопштија властите.
Нивните имиња не се објавени.
Германските лидери предупредија на ризиците од напади врз Евреите и го осудија порастот на антисемитизмот по избувнувањето на војната меѓу Израел и Хамас.
Европа
Филипинка се породила на крузер и го сокрила бебето: тоа починало
Истражен судија во Гросето, Италија го отфрли обвинението за убиство против Чан Џенсел Пиа Салахид, 28-годишна Филипинка која се породила на бродот за крстарење „Сребрен шепот“ на 17 мај, а потоа беше уапсена за смртта на детето.
Истражниот судија го потврдил приведувањето, а младата жена останала во затвор, но под обвинение за напуштање дете кое починало. Нејзините двајца колеги, кои ја делеле кабината со неа и кои исто така биле уапсени поради смртта на бебето, биле ослободени.
Тие и помогнале да се породи и биле соучесници во прикривањето.
Како што пишува „Rai News“, по добивањето на резултатите од обдукцијата, судот ги отфрли обвиненијата за убиство. Засега не се знае за што точно ќе биде обвинета жената освен за напуштање на детето.
А, таа цело време пред истражителите, според италијанските медиуми, тврдела дека не сакала да го убие својот син, кого го нарекла Тејлор.
Само се плашела дека ќе остане без работа, па го сокрила. Секогаш кога можела, доаѓала да го дои, според исказите. Бебето го оставала во плакарот со подотворена врата за никој да не го види или слушне неговиот плач.
Европа
Состојбата на Фицо е стабилна, забележително е благо подобрување, велат од болницата
Состојбата на словачкиот премиер Роберт Фицо по минатонеделниот атентат е стабилна со благо подобрување, соопштија денеска од болницата каде што е сместен Фицо.
„Состојбата на премиерот е стабилна со благо подобрување. Веруваме дека напредокот ќе продолжи“, соопшти болницата на платформата Х (Твитер), пренесе Ројтерс.
Фицо минатата среда беше застрелан од 71-годишниот писател Јурај Цинтула, кој веднаш беше приведен од полицијата.
Словачкиот премиер во тешка состојба беше пренесен во болницата каде му беше извршена операција.
Словачкиот суд во саботата одлучи Цинтула да биде задржан во притвор, а тој се соочува со казна од 25 години до доживотен затвор.