Регион
Хоџа: Не се вистинити написите дека ИС ја контролира дрогата во Албанија
Директорот во албанското Министерство за надворешни работи, Ферид Хоџа изјави дека нема никаква вистина во написите на британскиот печат дека ИС (Islamic state,Исламска држава) ја контролира дрогата во Албанија.
„Тоа се несериозни написи за кои не се разговараше ниту секунда на средбата на шефовите на дипломатиите на Албанија, Србија и Италија што се одржа во средата во Тирана“, рече албанскиот дипломат за албанската телевизија Визион Плус. Според Хоџа, опасноста од ИС е насекаде во светот, а на средбата што се одржа во Тирана на министрите за надворешни работи, било разговарано и за соработката на земјите од регионот против ИС. „Во Албанија во однос на сожителството на населението од трите фер,и оценка е дека има одлична толеранција и почитување“, рече познатиот албански дипломат кој додаде дека сепак опасноста од терористички напади е насекаде./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.
Регион
Авион се урна во близина на Загреб
Авион со четворица членови на екипажот се урна попладнево во близина на Загреб, пренесуваат дел од регионалните медиуми. Најверојатно се работи за спортски, тренинг или туристички авион кој се урнал во Јеждовац.
Лансирани се дронови кои се обидуваат да го лоцираат авионот и да стигнат до местото на несреќата.
Таму се упатени возила на брзата помош, како и екипи на противпожарната единица.