Европа
Почина напаѓачот во училиште во Шведска, но и учител и ученик
Осомничениот за нападот со ладно оружје кој беше извршен во четврток во училиште во Шведска почина, потврдија надлежните, но како жртви на нападот, починаа и еден ученик и еден професор.
Двајца сè уште се во болница со тешки повреди, соопштија шведските медиуми.Нападот се случи во училиште во Тролхатан, 75 км од Гетеборг, кога маскиран маж со, како што соопшти полицијата, „објекти слични на нож“, ги нападна учителите и учениците.Болницата во Тролхатан потврди дека починал учител, а полицијата за агенцијата TT потврди дека еден од двајцата ученици, момчиња на возраст од 11 и 15 години, кои биле третирани во болницата со сериозни повреди, исто така, им подлегнал на повредите.Дека, осомничениот на возраст од 21 година, починал, потврдено е попладнево по 16 часот.Полицијата соопшти дека биле информирани за инцидентот околу 10.10 часот утрово,а интервенирале за пет минути.Детективот Торд Харалдсон, појасни на прес-конференција дека полицајците го затекнале осомничениот на првиот кат од училиштето, по што кон него пукале два пати и го погодиле.Ако полицијата не интервенирала брзо, трагедијата можела да биде поголема, затоа што деца од градинка денеска требало да ја посетат училишната библиотека.Претходно, медиумите соопштија дека напаѓачот носел маска на Star Wars, па учениците мислеле дека е некаква маскота, и дури се фотографирале со него. „Кога го видовме прв пат мислевме дека е шега. Носеше маска, црни алишта и меч. Некои ученици сакаа да се фотографираат со него и да го почувствуваат мечот“, вели еден ученик. Според шведската телевизија TV4, полицијата истражува дали мотивот на нападот е политички, поточно се мисли дека напаѓачот бил против политиката на зголемена имиграција во земјата. Харалдсон рече дека дел од истрагата е да се потврди дали тој имал крајно десни погледи, но не коментираше повеќе за тоа.Според него, во домот на осомничениот се најдени неколку предмети од интерес, а напаѓачот не и бил познат на полицијата од претходно. „Бев во мојата училница кога на еден соученик му се јави сестра му и го предупреди дека во училиштето има убиец. Ја заклучивме училницата, но учителот беше во коридорот. Сакавме да го предупредиме, па неколкумина од нас излегоа и тогаш го видовме убиецот, кој носеше маска и меч. Начиот учител беше избоден“, сведочи еден ученик.„Убиецот почна да ме брка, но влегов во друга училница. Ако не се скриев, ќе бев убиен. Многу сум исплашен. Сите овде сме исплашени“, додава ученикот. За училиштето постојат официјални податоци дека учениците постигнуваат слаби резултати, а дека во последно време не можело да се одржи час, поради недисциплината на учениците. /крајтл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.