Европа
Австрија мака мачи со родната куќа на Хитлер
Австриската влада ги испитува сите опции за да дојде до можноста да ја поседува родната куќа на германскиот нацистички челник Адолф Хитлер, за којашто сопственичката не води преголема грижа, и така конечно да ја надмине големата политичка главоболка.
Куќата во којашто се родил Адолф Хитлер е празна последните четири години, и тоа е видливо веќе однадвор. Мувлата се пробива на жолтата фасада, а излупени се и дрвените прозорски рамки. Во оваа куќа Хитлер е роден на 20-ти април 1889 година. Неговите родители Карла и Алојз во оваа куќа имале изнајмено апартман над локал кој сега е паб. Тука семејството живеело до 1892 година. кога се преселиле во Линц.
Куќата е приватна сопственост на Герлинда Помер. Таа се противи на настојувањата куќата да биде пренаменета, но австриската влада се’ повеќе ја притиска за да го реши ова политичко прашање.
Сопственичката на куќата во ноември 2009 година ја изложи на продажба со цена од 2,2 милиони евра. Помер тогаш изјави дека сака да ја продаде куќата која во времето кога се родил фашистичкиот водач ја поседувала нејзината фамилија. Таа својата одлука за продажба ја објасни како товар на минатото.
По оваа најава, австриските власти стравуваа дека куќата може да биде купена од неонацисти и да стане своевидно нивно „светилиште“. Тогашниот градоначалник на гратчето Браунау, Герхард Скиба, изјави дека би било идеално кога градот би можел да ја откупи куќата и така да се контролира нејзината иднина. Но градот немаше пари, па ѝ се обрати на владата во Виена да му помогне во решавањето на проблемот, но до денес овој проблем не е решен.
Република Австрија и градските власти на Браунау, инаку, ја изнајмуваат куќата од повлечената пензионерка од 1972 година. Државата и градот ја дадоа под наем на занаетчиска работилница за инвалиди. Тој потег беше многу симболичен, бидејќи хендикепираните лица биле системски прогонувани за време на нацистичкиот режим на Хитлер. „Сите користењето на куќата за таа намена ја гледаа позитивно“, вели Флориан Контанко од локалното здружение за современа уметност.
Меѓутоа, кога Помер подоцна во 2011 година одби куќата да се преуреди за потребите на лицата со хендикеп, работилницата се исели. „Нејзините мотиви не се јасни“, вели Контанко.
„Оставањето на куќата празна не е во интерес на министерството за внатрешни работи“, изјави неговиот портпарол Карл-Хејнц Грундбек. Пред една година министерството предложило во куќата да се смести центарот за обуки на возрасни лица и имигранти или локалната социјална служба, а дало понуда и да ја откупи. Сопственичката, меѓутоа, не одговорила.
„Мораме да ги прошириме опциите“, вели Грундбек, мислејќи на можноста на Плумер да ѝ биде одземено правото на сопственост врз куќата. Министерството задолжило правни стручњаци да ја испитаат таквата можност и следните неколку седмици го очекува одговорот.
Тоа, меѓутоа, законски би можело да биде многу тешко изводливо, освен, тврди водечкиот австриски професор по право, доколку Помер нема намера куќата да ја претвори во спомен дом на Хитлер или нешто друго што би го величало. „Не може само така некому да му се одземе правото на поседување“, изјави експертот за уставно право Хајнц Мајер за весникот Oberoesterreichische Nachrichten.
Брраунау, гратче со 16 илјади жители покрај границата со Германија, долго работи на тоа да се помири со фактот дека е родното место на Адолф Хитлер. Здружението на Котанко организира трибини и научни конференции, улиците го добиле имињата по жртвите на нацизмот и борците на отпорот, а каменот од блискиот концентрационен логот Матхаузен е поставен пред куќата како споменик. „За мир, слобода и демократија. Никогаш повеќе фашизам. Милионите мртви не’ опоменуваат“, стои на натписот.
Меѓутоа, куќата на Хитлер и натаму има голема улога во свеста на локалните жители, вели сегашниот градоначалник Хојанес Вајдбахер. „Нашата цел е да сториме се’ што можеме куќата да не стане место за аџилак на неонацистите“, додава.
Постојат идеи кои одат во спротивна насока. Антинацистичката група „Exit Deutschland“ предложи во куќата да биде сместен центар кои би ги убедувал и би им помагал на неонацистите да се откажат до своите убедувања и да ја напуштат крајната десница по примерот на слична програма којашто успешно се спроведува во Германија.
Меѓутоа, за спроведува на која и да е идеја во прв ред треба да биде решен проблемот со сопственичката. Освен одземањето на правото на сопственост, Австрија би можела да го откаже договорот за наем и така на Помер да ѝ ја скрати месечната рента од 4.800 евра, и да се стекне со предност во преговорите.
Возрасните жители сега се присетуваат дека постоела уште една опција којашто Австрија и градот Браунау ќе ги ослободела од овој товар. Имено, на крајот од Втората светска војна, во мај 1945 година американските единици го заземале Браунау. Доколку американците биле малку помалку ревносни во „чистењето“ на градот, последната единици на Вермахтот би можела да има време да ја исполни последната наредба на фирерот – неговата родна куќа да биде крената во воздух./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
„Неприфатливо, нема да помине без последици“: Бербок ја обвини Русија за сајбер напад врз Германија, руски дипломати повикани на разговор
Германското Министерство за надворешни работи ги покани претставниците на руската амбасада на состанок во врска со наводниот руски сајбер напад врз Социјалдемократската партија на Германија (СПД) минатата година.
„Руски државни хакери ја нападнаа Германија во сајбер просторот“, соопшти министерката за надворешни работи Аналена Бербок при посетата на Австралија.
СПД во јуни 2023 година објави дека е-поштата на извршниот директор на СПД претходно биле цел на сајбер напад во јануари, пренесува „Велт“. Портпаролката на СПД истакна дека постои можност да имало одлив на податоци за време на рускиот напад.
„Денес јасно можеме да го припишеме овој минатогодишен напад на групата „АПТ28“, која е контролирана од руската тајна служба „ГРУ“. Ова е целосно неприфатливо и нема да помине без последици“, изјави Бербок.
Според податоците на германската канцеларија за заштита на уставот, групата „APT28“ е активна ширум светот, пред се во областа на сајбер шпионажата, најмалку од 2004 година. Во минатото, според Канцеларијата, оваа група водела дезинформации и пропагандни кампањи во сајбер просторот и е „меѓу најактивните и најопасните сајбер актери во светот“.
Германската федерална канцеларија за заштита на уставот исто така смета дека „АПТ28“ е дел од руската воена разузнавачка служба „ГРУ“, пишува „Велт“. Се вели дека групата е обвинета за голем сајбер напад врз Бундестагот во 2015 година, а подоцна и во САД за напад врз Демократската партија пред претседателските избори во 2017 година.
Според информациите на германската новинска агенција, истрагата на федералната влада ги вклучила сите германски тајни служби, вклучително и Канцеларијата за заштита на Уставот, Федералната разузнавачка служба и Воената контраразузнавачка служба. „Велт“ наведува дека нападот врз СПД бил дел од кампањата „АПТ28“ во неколку европски земји, која е насочена против владините служби и компаниите кои се занимаваат со снабдување со енергија, ИТ, вооружување или авијација.
Европа
Орбан: Унгарија ќе ги зголеми трошоците за одбрана доколку војната во Украина продолжи
Унгарија ќе мора да ги зголеми трошоците за одбрана и следната година доколку војната во Украина продолжи до 2025 година, со што ќе се намали износот на расположливите средства за други трошоци, изјави денеска унгарскиот премиер Виктор Орбан.
Орбан изјави за државното радио дека доколку војната во Украина се пролонгира до 2025 година, нивоата на средства за одбрана на Унгарија за 2023 и 2024 година нема да бидат доволни и ќе мора да се зголемат, пренесува агенцијата МТИ. Орбан изјави дека е загрижен за иднината на Европа и дека унгарската влада нема да дозволи Унгарија да биде принудена да влезе во војна по трет пат, откако учествуваше во Првата и Втората светска војна.
Премиерот на Унгарија смета дека е потребно европско безбедносно решение во кое ќе биде вклучена Русија и дека американската воена индустрија најмногу профитирала од војната во Украина, откако САД испратија најголема воена помош во Киев.
„Нашето историско искуство со војната е дека можете само да изгубите. Колку сте поблиску до воената зона, толку е поголема цената што ја плаќате“, рече Орбан.
Унгарија значително ги зголеми одбранбените распределби минатата година на 2,43 отсто од БДП, што е над два отсто на кои се обврзаа членките на НАТО, наведува МТИ.
Европа
Шефот на британската дипломатија: Украина има право да го користи нашето оружје во Русија
Британскиот министер за надворешни работи Дејвид Камерон денеска вети три милијарди фунти (3,74 милијарди долари) годишна воена помош за Украина „колку што е потребно“ и додаде дека Лондон нема ништо против оружјето да се користи во Русија.
„Ќе даваме три милијарди фунти секоја година онолку колку што е потребно. Штотуку навистина исцрпивме се што можеме во однос на давање опрема“, изјави тој за Ројтерс во интервју за време на посетата на Киев, додавајќи дека пакетот помош е најголемиот од ОК до сега.
„Дел од таа (опрема) пристигнува во Украина денеска, додека јас сум тука“, рече тој.
Камерон рече дека Украина има право да користи оружје доставено од Лондон за да нападне цели во Русија и дека тоа зависи од Киев.
„Украина го има тоа право. Исто како што Русија напаѓа внатре во Украина, сосема е разбирливо зошто Украина чувствува потреба да се осигура дека е способна да се одбрани“, изјави Камерон за Ројтерс.
Камерон, кој го предводеше Обединетото Кралство од 2010 до 2016 година како премиер и се врати на политичкиот фронт пред само неколку месеци, се состана со украинскиот министер за надворешни работи Дмитро Кулебa и претседателот Володимир Зеленски во неговата втора посета на Киев како министер за надворешни работи.
„Поединци на Европскиот фронт избегаа од Али и се во секојдневна комуникација со Мицкоски“, рече Изет Меџити
Лидерот на Демократското движење и носител на Листата за пратеници во првата единица на коалицијата ВЛЕН, Изет Меџити изјави дека...
„Дека ДУИ полнеле кутии на денот на изборите е докажано од суд“, кажа Мицкоски и повика на будност
Не се само информации тоа дека ДУИ полнеле кутии на денот на изборите, имаме и потврден случај тоа е во...
Македонија најдобро рангирана меѓу државите од регионот според Индексот за слобода на медиумите
Репортери без граници денеска го објавија својот годишен извештај за слободата на медиумите во светот, според кој Македонија се наоѓа...
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија,...
(Видео) Една година од масакрот во училиштето во Белград, беа убиени девет ученици и чуварот
Помина точно една година од трагедијата во училиштето „Владислав Рибникар“ во Белград, кога Коста Кецмановиќ вооружен со пиштолот на татко...
„ДКСК да покрене постапка против Битиќи, бара од фирмите на кои им исплаќал државна помош да гласаат за него“, вели ВМРО-ДПМНЕ
„ДКСК да покрене постапка против Битиќи, бара од фирмите на кои им исплаќал државна помош да гласаат за него, им...
Израелските медиуми ги објавија трите барања на шефот на Хамас за ослободување на заложниците
Лидерот на палестинската исламистичка организација Хамас во Појасот Газа, Јехја ал Синвар, и понатаму има три барања во преговарачката понуда...
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот...
Турција ја прекина целата трговија со Израел
Турција од вчера го прекинува целиот извоз и увоз со Израел, соопшти турското Министерство за трговија, наведувајќи ја како причина...
Цената на осигурувањето од автоодговорност се враќа на ниво од пред 25 април, одлучи Владата
Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на...
„Влен“: Влада и Бадентер да, но без ДУИ и Левица
ДУИ ги напушти вредностите за кои се залагаше во 2001 кога наместо за Албанската кауза почна да се грижи единствено...
Чекајте, па ние сме на избори конкуренти, одговори Ковачевски прашан дали би им помогнале на ВМРО-ДПМНЕ ако не можат да формираат Влада
Чекајте, па ние сме на избори конкуренти, првин да ги видиме резултатите на 8 мај. Вака лидерот на СДСМ, Димитар...
ДСЗИ ќе забрани на Токсикологија да работат лица со истечени договори оти директорката, која не зборува македонски, не им ги одзела пристапите
Организациската директорка на Клиниката за токсикологија Бесија Иљази, не постапила и не ја потпишала опомената од Државниот санитарен и здравстве...
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ,...
Почина таткото на Тоше Проески
Почина Никола Проески – татко на музичарот Тоше. Веста за неговата смрт на социјалните мрежи ја објави Дора, неговата ќерка....
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија...
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи...
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол,...
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од...
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните...
