Црна хроника
Лажна узбуна за бомба во ноќен клуб во Куманово
Анонимен повик со лажна узбуна за поставена бомба, ја прекина забавата во саботата вечерта вопознатиот ноќен клуб „Револушн“ во Куманово, а сопствениците се сомневаат дека ова е масло на конкуренцијата.
Според билтенот на МВР, околу 00,20 часот, непознато лице телефонски се јавило во ПС од ОН Куманово и пријавило дека во „Револушн“ има поставено експлозивна направа.
Од страна на полициските службеници од СВР Куманово веднаш е излезено на лице место. Поради безбедносни причини од истите веднаш се евакуирани сите лица, по што од страна на стручни лица од Одделот за антитероризам при МВР на РМ, е извршен увид на лице место. Од извршениот увид е констатирано дека во објектите нема поставено експлозивна направа и се работи за лажно пријавување.
Сопствениците на објектот преку социјалните мрежи информираа дека веднаш се посомневале оти станува збор за лажна пријава и првин не сакале да ги пуштат полицајците во клубот, ниту пак да го испразат локалот од гости.
Почекавме да дојдат главните инспектори на случајот и надлежните од екипата за антитерористички напади од Скопје и на крај бевме приморени да им кажеме на сите гости дека мора да го напуштат локалот, велат од Револушн и ветуваат дека сите гости ќе бидат обештетени./крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
131 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 131 меркa, меѓу кои за возење без возачка дозвола 17 санкции, 14 мерки за непочитување на брзината на движење, девет мерки за користење мобилен телефон при возење, осум санкции за минување на затворен сигнал – црвено светло…
Сообраќајните контроли продолжуваат и во наредните денови.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.