Европа
За Меркел британското истапување е предупредување за ЕУ
![](https://makfax.com.mk/wp-content/uploads/2016/10/Nach.jpg)
Одлуката на Велика Британија да излезе од Европската унија е предупредување за остатокот од ЕУ, која мора да научи како побрзо да носи одлуки наместо да ги менува своите темелни договори, изјави во петокот германската канцеларка Ангела Меркел.
„Ова е предупредување за сите нас повторно да размислиме: Што Европа ни значи? Што Европа мора да промени за да биде успешна во очите на луѓето?“, изјави германската канцеларка Ангела Меркел во својот говор на собирот на нејзината Христијанско-демократска унија (CDU) во сојузната покраина Северна Рајна-Вестфалија, користејќи го терминот Европа за Европската унија.
Додаде дека ЕУ мора да одлучи на што треба да се насочи и во што може да има помала улога, како и да научи побрзо да ги носи одлуките. „Не смееме постојано да зборуваме за нови договори, туку за делата“, порача Меркел.
Поранешниот француски претседател и кандидат на изборите следната 2017 година, Николас Саркози, претходно седмицава рече дека би можел да ја увери Велика Британија да се премисли и да остане во ЕУ кога би се договорил нов европски договор кој би бил поприфатлив за Лондон, доколку победи на претседателските избори.
Меѓутоа, официјален Париз, како и Берлин, се оградија од овој предлог на Саркози.
„Не гледам како една држава може да побара од друга да одржи нов референдум. Британците треба да одлучат за тоа“, изјави портпаролот на француската влада Степан Ле фол во четвртокот коментирајќи го предлогот на Саркози.
Веднаш по него се огласи и портпаролот на германската канцеларка Штефен Зајберт, кој изјави дека ставот на владата во Берлин оти британското излегување од ЕУ е неповратен процес не се променил.
Британската влада досега не ја коментираше иницијативата на Саркози./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Нема струја, водата носи мостови, расте бројот на исчезнати во Швајцарија (ВИДЕО)
![](https://makfax.com.mk/wp-content/uploads/2017/07/oBK9lwTeiv-i-istanbul-pod-voda-poplavite-predizvikale-haos-i-vo-turcija.jpeg)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.