Спорт
Костелиќ не мирува – ќе помине 600 километри во Норвешка и Исланд (видео)
Поранешниот шампион од Светскиот куп во алпско скијање, Хрватот Ивица Костелиќ се пензионираше од спортот, но очигледно не може да „седи мирен“, откако реши да направи неверојатна експедиција во Норвешка и Исланд.
38-годишниот Костелиќ ќе патува на ски…
Поранешниот шампион од Светскиот куп во алпско скијање, Хрватот Ивица Костелиќ се пензионираше од спортот, но очигледно не може да „седи мирен“, откако реши да направи неверојатна експедиција во Норвешка и Исланд.
38-годишниот Костелиќ ќе патува на скии заедно со нордискиот скијач Еди Дадиќ, двапати по 110 километри во Норвешка, а потоа уште 400 километри на Исланд. Ова не е првпат Хрватот да има ваква авантура – минатата година заедно со Словенецот Миха Подгорник беше на 18-дневно „преживување“ на Гренланд, кое заврши со тоа што на Подгорник му беше ампутиран дел од прстот.
„Во Норвешка не чекаат двапати по 110 километри без цивилизација, додека во Исланд до следното место каде што можеме да се снабдиме е 400 400 километри. Почнуваме со Норвешка, бидејќи таму имаме лесен излез – да се свртиме и да се вратме дома. Во Норвешка ќе бидеме на висорамнината Хардагенвид, каде што има полигон за подготовка на поларните експедиции, како таа на Роалд Амундсен пред да го освои Антарктикот.
Освојувачот на четири олимписки сребра на скии, Костелиќ признава дека дел од мотивацијата и инспирацијата за подвигот дојде од неговата сопруга Ерин, која е Исланѓанка.
„Мојата сопруга најмногу ми помага за овие експедиции. Пред тргнувањето заедно ја планираме храната и пакувањето, а во текот на експедицијата ги следи временските услови и ми јавува. Како и секоја сопруга, и таа би сакала повеќе да сум дома, но ја сфаќа мојата потреба за авантура. Не случајно ми е сопруга“, додава Костелиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(ВИДЕО) Холандија во полуфинале, заврши турската бајка!
Фудбалерите на Холандија во четврт-финалето на Европското првенство ја совладаа селекцијата на Турција со резултат 2:1 и се пласираа во полуфиналето.
Холанѓаните создадоа шанса уште на отворањето на натпреварот. Во 1. минута Депај се најде во добра позиција во шеснаесетникот, но лошо ја зафати топката.
Истиот играч се обиде и во 7. минута, но топката кон голот беше преслаба и немаше проблем за голманот Гунок.
После тоа немаше повеќе шанси за гол до 29. минута кога Турција се закани од прекин.
Чалханоглу нафрли и го пронајде Бардакчи, кој не упати вистински удар. Сепак, тоа беше добра најава за она што следеше. Седум минути подоцна Ѓулер испрати одличен центаршут до подалечната статива од левата страна до Акајдин кој со глава упати удар за водство на Турците!
Ништо значајно не се случи во првото полувреме, а на паузата беше 1:0.
Првата шанса во вториот дел повторно им припадна на Холанѓаните. Нејтан Аке испрати центаршут од левата страна до Вегхорст кој со глава ја упати топката до подалечната статива.
Таму втрча Депај, но беше краток и не ја пренасочи топката кон голот.
Турција имаше слободен удар од 26 метри од голот на Холандија. Ѓулер шутираше и го бараше голманскиот агол, а со силен удар ја погоди стативата!
Во 65. минута Турција имаше слободен удар од позиција за центаршут, а топката се одби до работ на шеснаесетникот од каде Јилдиз се намести за удар.
Вербруген до последен момент не можеше да ја види топката поради гужвата која се насобра пред него, но успеа да спаси.
Пет минути потоа Холанѓаните постигнаа гол. Најпрвин Вегерст шутираше по центаршутот на Депај, но Гунок одбрани, а Холандија доби корнер.
По кратката комбинација од корнер, Депај повторно нафрли, а Де Вриј погоди со глава.
Видовме одлична игра по израмнувачкиот гол на Холанѓаните, кои тргнаа на уште еден гол и многу брзо стигнаа до него.
Во 76. минута нападот на Холандија се одвиваше преку Дамфрис по десната страна, следеше центаршут, а прв до топката беше Гакпо, кој од 3 метри ја смести топката во голот за пресврт.
Одлична прилика пропуштија Турците во 85. минута, по центаршут од левата страна, прилика имаше Челик, кој шутираше на празен гол, но одбраната на Холанѓаните двапати ги блокираше ударите.
Последната голема шанса за Турција дојде во втората минута од судиското надополнување. Бардакчи нафрли од левата страна, Семих Килицој со глава од седум метри упати удар, но истиот го одбрани голманот на Холандија.
За повеќе од тоа немаше време, а Холандија по големиот пресврт се пласираше во полуфиналето каде ќе се соочи со Англија.
Спорт
Новак Ѓоковиќ го победи Австралиецот Алексеј Попирин
Српскиот тенисер Новак Ѓоковиќ го победи Австралиецот Алексеј Попирин со 3:1, по сетови 4:6, 6:3, 6:4 и 7:6 (7:3) и се пласираше во осминафиналето на Вимблдон.
Попирин му пружи одличен отпор на Ѓоковиќ, но тој не успеа да го загрози пласманот на вториот светски тенисер во следната фаза, иако го доби првиот сет и сервираше на високо ниво во текот на целиот меч.
Двајцата тенисери одлично сервираат на почетокот на мечот кој го одбележаа кратки размени и брзи игри.
Попирин се трудеше да не влезе во долги размени со Ѓоковиќ во кои немаше шанси и се потпираше на неговиот сервис – убедливо најдобриот дел од неговата игра.
Така се играше до седмиот гем, кога Попирин го искористи падот на концентрацијата на Ѓоковиќ и ја искористи првата брејк топка.
Тој ја одржуваше предноста до крајот на сетот и поведе во сетовите непосредно пред почетокот на дождот, поради што мораше да се затвори покривот на паузата меѓу сетови.
После тоа Попирин имаше шанса во третиот гем од вториот сет да стигне до нов брејк, но Ѓоковиќ избега со асови, по што го одигра натпреварот без грешка.
Веќе во следниот гем му го одзеде сервисот на противникот, и до крајот на вториот сет но и на мечот не му даде можност да се врати.
Спорт
Шишето на Пикфорд ќе влезе во историјата на ЕП
Англичаните не дозволија историјата да се повтори, а овојпат успеаа да го совладаат противникот во пенал рулетот.
Сите пет играчи на Англија успешно ги изведоа пенали, а заслугата за влез во полуфиналето ја превзема Пикфорд, одбранувајќи го ударот на Аканџи.
На овој начин беше елиминирана Швајцарија, а беше забележан интересен детал на шишето од кое англискиот голман пиеше вода.
На него имаше список на играчите од Швајцарија со забелешка на која страна ќе се шутира пеналот.
За Аканџи пишуваше дека ќе шутира по левата страна од својот гол.