Спорт
Тифозите не го забораваат Михаел Шумахер!
Навивачите на Ферари покажаа дека не го забораваат својот легендарен возач, откако на тестирањето во Барселона поставија огромен транспарент „Михаел засекогаш“ во знак на поддршка за седумкратниот светски шампион.
Официјалниот фан-клуб на Ферари беше о…
Навивачите на Ферари покажаа дека не го забораваат својот легендарен возач откако на тестирањето во Барселона поставија огромен транспарент „Михаел засекогаш“ во знак на поддршка за седумкратниот светски шампион.
Официјалниот фан-клуб на Ферари беше одговорен за банерот од 30 метри, кој беше поставен на главната трибина на патеката „Каталуња“, каде што привршува тестирањето пред новата сезона.
Шумахер, кој освои пет титули со Ферари, уште заздравува од сериозните повреди на мозокот по падот на скијање во декември 2013 година, по што беше во медицински индуцирана кома. Околу неговото здравје има само многу шпекулации бидејќи семејството не дава многу информации за него, и уште не е појавена негова фотографија по неговата несреќа.
Шумахер освои две титули со Бенетон во 1994 и 1995, пред да биде дел од најславната генерација на Ферари, освојувајќи ги титулите од 2000 до 2004 година. Тој се повлече од спортот во 2006 година, но се врати четири години подоцна со Мерцедес, каде што имаше три фрустрирачки сезони, пред тимот да почне со доминацијата во спортот. Шуми уште е рекордер по бројот на титули, победи, подиуми, најбрзи кругови и поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола потврди дека сезоната за Родри е завршена
Менаџерот на Манчестер сити, Пеп Гвардиола потврди дека Родри ќе го пропушти остатокот од сезоната поради повреда на предните вкрстени лигаменти.
„Тој денеска беше опериран, мислам дека го повреди и менискусот. Тој ќе се врати следната сезона. Оваа сезона заврши. За жал, ги добивме најлошите вести. Понекогаш, за жал, тоа се случува. Тука сме да го поддржиме и да му помогнеме да се опорави добро, чекор по чекор“, изјави Гвардиола на прес-конференција пред натпреварот со Њукасл.
28-годишниот шпански фудбалер се повреди минатата недела на дербито против Арсенал (2:2), кога се судри со противничкиот играч Томас Парти.
Родри е еден од најважните играчи на Сити. Минатата сезона тимот ја освои рекордната четврта последователна титула во Премиер лигата. Минатата сезона во првенството Сити доживеа три порази, сите кога во тимот го немаше Родри.
Родри во пресрет на повредата го критикуваше проширениот натпреварувачки календар и рече дека играчите биле блиску до одлука за штрајк поради премногу работа.
„Тоа што ни го дава, немаме сличен играч, но сите други играчи заедно можат да го заменат она што Родри ни го даде откако дојде. Ќе мораме да го направиме тоа како тим и да најдеме начин да играме многу натпревари без важен играч за нас“, додаде Гвардиола.
Родри е еден од нкандидатите за „Златната топка“ оваа година, бидејќи освен добрите настапи во Сити, и помогна на Шпанија да го освои Европското првенство летово. Беше прогласен за МВП на Европското првенство.
Спорт
Џенова и Јувентус ќе играат пред празни трибини
Утрешниот натпревар меѓу Џенова и Јувентус, на „Луиџи Ферарис“ стадионот ќе се одигра без присуство на публика. Натпреварот од шестото коло во Серија А ќе започне во 18 часот.
Џенова, пред два дена во 1/16 финалето на италијанскиот Куп играше против градскиот ривал Сампдорија. По 1:1 во 90 минути, Сампдорија победи по изведувањето на пенали.
Серизни инциденти се случија и на стадионот но и надвор од него. Во пресметките меѓу хулиганите беа повредени повеќе од 38 лица, меѓу кои и полицајци.
Фудбалската федерација на Италија експресно реагираше, ја казни Џенова, која ќе мора еден натпревар да одигра пред празни трибини.
Паоло Кортис, претседател на Националната опсерваторија за национални спортски настани, предупреди во интервју објавено во петокот дека мерките преземени против Џенова треба да „испратат сигнал“ до другите клубови и нивните навивачи.
Спорт
„Таков играч не може да биде проблем“
Спортскиот директор на Јувентус, Кристијано Џунтоли проговори на актуелната тема во клубот, лошата форма во кој се наоѓа напаѓачот Душан Влаховиќ.
Пред неколку дена се појави информација дека Јувентус сака да му ја намали платата, кој Влаховиќ и неговиот менаџер го одбиле.
Поради сето ова се огласи директорот на „Старата дама“, убеден дека ќе се најде компромисно решение со српскиот играч.
„Што се однесува до иднината на Душан, тука нема проблем. Наскоро ќе седнеме и ќе најдеме решение. Играч како Влаховиќ никогаш не може да биде проблем. Целта е нов договор и ќе успееме. Тој е играч кој вреди многу и заработува многу, тоа е предност за нас“, изјави Џунтоли.
Јувентус не постигна гол на последните три натпревари во Серија А, па поради ова јавноста најмногу го критикува Влаховиќ.