Спорт
Марез: Не реагирав добро, се извинувам на Лестер
Ријад Марез признава дека жали за начинот на кој реагирал по пропаднатиот трансфер во Манчестер сити во јануари, извинувајќи се на неговиот сегашен клуб, Лестер сити.
Алжирскиот интернационалец пропушти два натпревари на Лестер откако се налути што клу…
![](https://makfax.com.mk/wp-content/uploads/2018/03/78d8fa79f1f79ad7cb3e7faa6be126e5.jpg)
![](http://makfax.com.mk/wp-content/uploads/2018/03/78d8fa79f1f79ad7cb3e7faa6be126e5.jpg)
Ријад Марез признава дека жали за начинот на кој реагирал по пропаднатиот трансфер во Манчестер сити во јануари, извинувајќи се на неговиот сегашен клуб, Лестер сити.
Алжирскиот интернационалец пропушти два натпревари на Лестер откако се налути што клубот не ја прифати понудата од 60 милиони фунти за трансфер во лидерите во Премиер лигата. Тој демантираше дека штрајкувал, но признава дека можел подобро да ги „среди“ работите.
„Не бев тука бидејќи ми беше потребно време да размислам и тоа беше тешка ситуација. Трансфер во Манчестер сити е добра можност за сите, но сега тоа е во минатото. Одам понатаму и го давам максимумот за мојот тим. Секогаш постои каење, но сега не е време за тоа. Благодарност до клубот, кој добро се справи со ситуацијата. Кога ги имам соиграчите и клубот зад мене, сè е океј и беше лесно да се вратам тука“, вели Марез.
Марез, иронично, се врати во акција при 5:1 поразот на Лестер од Манчестер сити на 10 февруари, по што стартуваше во сите три меча, постигнувајќи гол за 1:1 реми со Бурнемаут во саботата.
27-годишниот Марез исто така ги демантираше шпекулациите дека се повлекува од фудбалот откако неговиот Фејсбук акаунт беше хакиран со таква порака.
„Во фудбалот, играчите доаѓаат и си одат. Не велам дека си одам, ниту дека доаѓам. Сè е во ред со Лестер и ќе видиме што ќе се случи. Во моментов јас сум играч на Лестер 100 отсто“, додава Марез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Италија со победа над Албанија ја започна одбраната на титулата
![](https://makfax.com.mk/wp-content/uploads/2024/06/12301520.jpg)
Актуелниот шампион Италија со победа над Албанија од 2:1 ја запошна одбраната на титулата на Европското првенство.
Натпреваро запошна шокантн за Италијанците кои примија гол по само 23 секунди. Бајрами ја искористи грешката на Димарко и го постигна најбрзиот гол во историјата на ЕП. До последната минута од натпреварот тоа беше се што направија Албанците на овој натпревар.
По голот фудбалерите на Албанија веднаш се повлекоа зад топката, а на Италијанците не им требаше многу за да се вратат во игра.
Италија имаше корнер во 11. минута од натпреварот, топката дојде до Пелегрини кој упати одличен центаршут и на втората статива го пронајде Бастони кој ја заби топката во мрежата.
Само пет минути подоцна Италија направи целосен пресврт. Николо Барела ја искористи лошо исфрлената топка од албанската одбрана и упати фантастичен волеј удар кој Стракоша не можеше да го одбрани.
Италија целосно ја презеде иницијативата, Албанија чекаше прилика од контранапад, а во 33. минута Фратези можеше да ја зголеми предноста на „аѕурите“, сепак стативата го спаси Стракоша.
До крајот на првото полувреме Скамака можеше да постигне гол во 40. минута, Стракоша беше на вистинското место и го одбрани ударот на напаѓачот на Аталанта.
Во второто полувреме, Италијанците се решија само да ја контролираат топка и да чекаат грешка на Албанците. Во 60. минута Скамака му ја додаде топката на Киеза, но играчот на Јувентус од 16 метри шутираше покрај стативата.
До крајот Италија имаше иницијатива на теренот, но не успеа да направи многу. Нападите беа бавни, без вистинска идеја и без желба да се нападне голот на Албанија.
Таквата определба можеше сакпо да ги чини, бидејќи Манај имаше шанса во 90. минута по одлична долга топка, но ударот го одбрани Донарума.
Следниот натпревар „азурите“ ќе го играат за пет дена против Шпанија, додека Албанија ден порано ќе игра со Хрватска.
Спорт
(Видео) Бајрами го постигна најбрзиот гол во историјата на ЕП, Италија сепак води во Дортмунд
![](https://makfax.com.mk/wp-content/uploads/2024/06/12301301-1.jpg)
Репрезентативецот на Албанија, Недим Бајрами го постигна најбрзиот гол во историјата на Европските првенства.
На стадионот „Вестфален“ во Дортмунд, Бајрами ја искористи катастрофалната грешка на Ди Марко и го совлада Донарума по само 23 секунди игра.
Albania scores in 25 seconds against Italy 🤣 #albania #italy #EURo2024 pic.twitter.com/c48owFmYcs
— Heybets (@playheybets) June 15, 2024
Актуелните европски шампиони експресно се опоравија по почетниот шок.
Бастони го изедначи резултатот во 11.минута. Дефанзивецот на Интер, погоди со глава откако остана сам на втората статива по нафрлувањето на Пелегрини.
Четири минути подоцона, Италија направи целосен пресврт. По една флипер ситуација пред голот на Албанија, топката дојде до Барела кој од 15 метри ја смести топката во голот.
Спорт
Далиќ: Изгледавме немоќно
![](https://makfax.com.mk/wp-content/uploads/2024/06/Zlatko-Dalic-England-vs-Croatia-1024x571-1.jpg)
Репрезентацијата на Хрватска загуби од Шпанија со 3:0 во 1. коло од групата Б на Европското првенство. Головите за Шпанија ги постигнаа Алваро Мората во 29. минута, Фабијан Руиз во 33. минута и Дани Карвахал во 45. минута.
Селекторот на Хрватска, Златко Далиќ, на прес конференцијата рече дека неговиот тим го заслужил поразот.
„Секоја чест за Шпанија. Почнавме доста тешко, потоа се прегупиравме и потоа таа длабока топка за која зборувавме не отвори и Мората постигна гол. Наша грешка, работевме на тоа и примивме гол од ситуација на која предупредувавме.
Она што ме изненади од наша страна е што стоевме предалеку од играчите. Дадовме премногу простор на нивната предна линија, бевме премногу бавни, предалеку и не бевме агресивни.
Рековме дека треба да играме со многу помалку допири, рековме дека треба да ја свртиме страната во два допири и не го прававме тоа добро. Високиот пресинг не беше пресуден“, рече Далиќ.
Во второто коло, за четири дена Хрватска ќе игра против Албанија.