Спорт
Мата: Сите знаеме што значи мечот Манчестер јунајтед-Ливерпул
Хуан Мата можеби е Шпанец, но добро знае дека дербито Манчестер јунајтед-Ливерпул е најголемиот меч во англискиот фудбал, иако неговиот менаџер Жозе Мурињо пред мечот изјавува дека иако мечот е „огромен“, за победа се добиваат три, а не десет поени.
„Т…
Хуан Мата можеби е Шпанец, но добро знае дека дербито Манчестер јунајтед-Ливерпул е најголемиот меч во англискиот фудбал, иако неговиот менаџер Жозе Мурињо пред мечот изјавува дека иако мечот е „огромен“, за победа се добиваат три, а не десет поени.
„Тоа е дефинитивно најголемиот меч за двата клуба и најверојатно најголемиот меч во англискиот фудбал. Ривалството, историјата на двата клуба, атмосферата… Секој меч против Ливерпул е посебен, и кога ќе постигнеш убав гол или имаш добар меч, на тоа ќе се сеќаваат секогаш“, вели Мата.
What. A. Feeling. ???? @ManUtd @premierleague #mufc pic.twitter.com/QOlNHDqd14
— Juan Mata García (@juanmata8) March 5, 2018
Шпанскиот играч од средниот ред имаше едно големо дерби на „Енфилд“ во март 2015 година, кога постигна два гола, вклучувајќи го и фантастичниот гол со ножички.
„Ако ги прашате фановите кој е мојот најдобар момент во Јунајтед, сите ќе го кажат тој меч и посебно тој гол. Денот беше фантастичен за мене – да се игра на ’Енфилд’, да се постигнат два гола. Ливерпул имаат добар тим, сѐ им оди добро, посебно во нападот. Постигнуваат многу голови и мораме да бидеме подготвени за нив. Но, играме дома на ’Олд Трафорд’, каде што мораме да победиме“, вели Мата.
Дербито на програмата е денеска од 13.30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Жота за триумф на Ливерпул на Селхурст Парк
Фудбалерите на Ливерпул со победа над Кристал Палас го отворија седмото коло во Премиер лигата. Ливерпул со 1:0 го порази домаќинот и ја забележа шестата победа во сезоната. Ливерпул е лидер на табелата и тука ќе остане и по комплетирањето на седмата рунда.
Не им беше лесно на „црвените“ на Селхурст Парк пред 25.000 глоедачи. Мечот го реши раниот гол на Диого Жота во деветтата минута.
Жота го постигна 60-ти гол во дресот на Ливерпул на јубилејниот 100-ти натпревар во дресот на клубот од „Енфилд“.
Португалецот можеше да постигне уште некој гол но не беше прецизен во 35. и 62. минута.
Шанса имаше и Салах во 57. минута но Дин Хендерсон одлично одбрани, а шанси за домашниот тим пропуштија Исмаил Сар во судиското надополнување и Еберечи Езе во 84. минута.
Голманот на Ливерпул, Алисон се повреди во 77. минута, па до крајот на мечот на голот на гостите беше Чехот Витеслав Јарош.
First goal of Liverpool Vs Crystal place (0:1) D.Jota ⚽️ pic.twitter.com/qwtJccpNSM
— Jadkar (@JadkarFootball) October 5, 2024
Спорт
Фенербахче експресно најде замена за Вилбекин
Американскиот кошаркар Сабен Ли стана нов член на Фенербахче.
Скоти Вилбекин, синоќа ги скина предните вкрстени лигаменти на првиот натпревар од новата сезона во Евролигата кога Фенербахче пред своите навивачи го победи Олимпијакос со 82:71.
Како што пренесуваат Арис Баркас и порталот „Јурохупс“, челниците на Фенербахче веднаш стапиле во контакт со колегите од Маниса и го договориле трансферот на Сејбен Ли.
Поранешниот НБА играч на Детроит, Филаделфија и Феникс блесна на првиот натпревар од Лигата на шампионите на ФИБА во дресот на Маниса и забележа 36 поени и по шест скока и асистенции во победата над Мурсија 103:97.
Ли е поранешен судент на универзитетот Вандербилт. Инаку, неговиот братучед Трент Форест моментално е член на Басконија.
Спорт
Ѓоковиќ спаси две сет топки, во два тај-брејка го победи Микелсон
Новак Ѓоковиќ потешко од очекувањата победи на стартот на Мастерсот во Шангај. Српскиот тенисер во два тај-брејка го победи 43. играч на АТП листата, Американецот Алекс Микелсон.
Новак Ѓоковиќ по пет години пауза се врати на Мастерсот во Шангај, беше пречекан со овации од публиката, но малдиот Микелсон не беше импресиониран, ниту од величината на противникот, ниту од атмосферата.
Двата сета имаа ист тек, во првиот Микелсон во раната фаза направи брејк, водеше со 3:0, Ѓоковиќ успеа да се врати, а во тај-брејкот пресуди неговото искуство.
Во вториот, Ѓоковиќ прв стигна до брејк и кога се очекуваше рутински да го заврши мечот, му дозволи на Микелсон да се врати. Тај-брејкот беше драматичен Ѓоковиќ спаси две сет топки, а ја искорсити својата трета меч топка за триумф.
Во третото коло Ѓоковиќ ќе игра против Вавринка или Коболи.