Спорт
Викери ја исфрли Мугуруза во Индијан Велс
Актуелната шампионка од Вимблдон, Гарбиње Мугуруза излета од Мастерсот во Индијан Велс, откако светската тенисерка број 100, Американката Саша Викери ја победи со 2:6/7:5/6:1.
Третата носителка Мугуруза, која лани беше прогласена за тенисерка на година…


Актуелната шампионка од Вимблдон, Гарбиње Мугуруза излета од Мастерсот во Индијан Велс, откако светската тенисерка број 100, Американката Саша Викери ја победи со 2:6/7:5/6:1.
Третата носителка Мугуруза, која лани беше прогласена за тенисерка на годината според ВТА, во септември беше светска тенисерка број 1.
„Направив неколку лоши грешки и таа го искористи тоа и го крена нивото на игра“, вели Мјугуруза, која имаше пет двојни сервис грешки и загуби пет брејка во мечот од 2 часа и 11 минути.
Следна за Викери е Јапонката Наоми Осака, која претходно ја елиминираше Марија Шарапова од турнирот, а потоа ја елиминираше и Полјачката Агњешка Радвањска.
Првата носителка, Романката Симона Халеп со 6:4/6:4 ја помина Чехинката Кристина Плишкова, Петра Квитова се намачи со Казахстанката Јулија Путинцева за 6:7(4)/7:6(3)/6:4 победа, додека, Каролина Плишкова со 7:6(4)/6:1 ја победи Романката Ирина-Камелија Бегу.
Кај мажите, ветеранот Маркос Багдатис со 7:5/3:6/7:5 беше подобар од Јапонецот Јошихито Нишиока, Гаел Монфис со 6:3/6:3 го „збриша“ Метју Ебден, додека Пјер-Иг Ербер ја доби француската пресметка со Жил Симон со 6:7(8)/7:6(5)/6:3.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Леклер ја грабна пол-позицијата на Хунгароринг

Шарл Леклер ги шокира возачите на Мкларен во квалфикациите за трката на Големата награда на Унгарија. Возачот на Ферари ја освои 27. пол позиција во кариерата, до неа дојде со резултат 1:15.327 минути.
Мекларен, најдоминантниот тим сезонава во првенството на Формула 1, доминираше на тренинзите и во првите две квалификациски сесии, но двајцата возачи разочараа во последното излегување на патеката. Постигнаа времиња далеку под она што можат со доминантниот болид.
Осакр Пјастри, лидерот во првенството, трката ќе ја започне веднаш до Леклер, а неговиот тимски колега Ландо Норис го освои третото место. До него, од вториот ред, трката ќе ја започне возачот на Мерцедес, Џорџ Расел.
Неизвесноста во борбата за пол-позицијата најдобро го отсликува податокот дека разлиата меѓу првиот и четвртиот беше само 53 илјадити делови од секундата.
Третиот ред на стартот го освоија пилотите на Астон Мартин: Фернандо Алонсо и Ленс Строл.
Блесна во квалификациите Габриел Бортолето. Бразилецот со Кик заубер го освои седмото место, пред светскиот првак Макс Ферстапен. Зад него се возачите на сестринскиот тим, Рејсинг Булс: Лијам Лосон и Исак Хаџар.
Аполутно разочарување во квалификациите е Луис Хамилтон. Седумкратниот шампион трката во Унгарија ќе ја започне од 11.место.
Големата награда на Унгарија, на Хунгароринг се вози в недела од 15 часот.
Foto/ EPA/Zsolt Czegledi
Спорт
Заврши љубовта меѓу ПСЖ и голманот Донарума

Дефинитивно пукна љубовта меѓу Џанлуиџи Донарума и Пари Сен Жермен. Еден од најзаслужните за освојувањето на титулата во Лигата на шампионите ќе го напушти „Паркот на принцовите“.
Актуелниот европски шампион одлучи да го отстрани италијански голман од списокот на првиот тим, бидејќи не сака да го продолжи договорот.
Донарума, кој дојде во Париз во 2021 година, побара поголема плата, но сопствениците на клубот не ги прифатија неговите услови.
Бидејќи неговиот договор истекува на крајот од следната сезона, Пари Сен Жермен сака веднаш да го продаде, за да не си замине без обештетување како што тоа е случи минатото лето со Килијан Мбапе.
Челзи, Манчестер сити, Манчестер јунајтед, Галатасарај и неколку тимови од Саудиска Арабија се заинтересирани за услугите на Италијанецот.
Инаку, на местото на Донарума, во ПСЖ ќе дојде голманот на Лил Лука Шевалие. За овој трансфер „свеците“ ќе издвојат 40 милиони евра.
Foto/ EPA/FILIP SINGER
Спорт
Винисиус ја одби понудата на Реал за нов договор

Шпанскиот „Кадена СЕР“ објави дека Винисиус Жуниор ја одбил последната понуда на Реал Мадрид за продолжување на договорот.
Според овој извор, менџерскиот тим на фудбалерот, понудата ја оцениле како неприфатлива. Бразилецот бара плата која ќе биде речиси иста како платата на Килијан Мбапе и игра на „сè или ништо“ оваа сезона за да оправда зголемување на платата.
За потсетување, драмата помеѓу Винисиус и Реал трае веќе некое време. Тој е лут на клубот од крајот на минатата година, кога не ја освои „Златната топка“. Винисиус смета дека клубот не му помогнал доволно.
Сега бара плата како Мбапе, но Реал не му ја дава.
Во меѓувреме „кралскиот клуб“, наводно ја одбил понудата од 200 милиони евра од неименуван клуб од Саудиска Арабија.
Foto/ EPA/CJ GUNTHER