Спорт
Шифрин продолжува со победите (видео)
Еден ден откако ја обезбеди својата втора титула во генерален пласман од Светскиот куп, Микаела Шифрин се врати на највисокото место на подиумот со 11-та победа во сезоната на слаломот во Офтершванг.
Третото место на петочниот велеслалом беше доволно з…


Еден ден откако ја обезбеди својата втора титула во генерален пласман од Светскиот куп, Микаела Шифрин се врати на највисокото место на подиумот со 11-та победа во сезоната на слаломот во Офтершванг.
Третото место на петочниот велеслалом беше доволно за големиот кристал, а сега таа направи предност од 225 поени во слаломскиот куп на една трка пред крајот на сезоната. Шифрин имаше предност од 0.46 секунди по првото возење, но мораше да се „тресе“, откако Венди Холденер имаше фантастично второ возење да дојде само на 0.09 секунди.
Шифрин, која освои две олимписки титули во Пјонгчанг, сега има 623 поени пред Холденер во генералниот пласман, додека на второто место во слаломот е Петра Влхова.
MIKAELA SHIFFRIN VINCE CON IL BRIVIDO FINALE ???
La statunitense batte la Holdener e conquista la quinta coppa di specialità in slalom! #EurosportSCI | https://t.co/gDw7vWrJ4v pic.twitter.com/jNtMFiXwzN
— Eurosport IT (@Eurosport_IT) March 10, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.