Спорт
Саутгејт ветил дека ќе го носи Рашфорд во Русија
Англискиот селектор Герет Саутгејт вети дека ќе го има напаѓачот на Манчестер јунајтед, Маркус Рашфорд во својата селекција без разлика на тоа колку тој ќе добива минути игра на „Олд Трафорд“.
20-годишниот Рашфорд беше херој на дербито на Јунајтед со Л…


Англискиот селектор Герет Саутгејт вети дека ќе го има напаѓачот на Манчестер јунајтед, Маркус Рашфорд во својата селекција без разлика на тоа колку тој ќе добива минути игра на „Олд Трафорд“.
20-годишниот Рашфорд беше херој на дербито на Јунајтед со Ливерпул постигнувајќи два гола при 2:1 победата, откако го стартуваше првиот меч од декември по што беше повлечен од игра за да се направи место за Маруан Фелаини. Жозе Мурињо вели дека токму Саутгејт му кажал дека Рашфорд ќе биде во тимот.
„Зборував со Герет Саутгејт пред неколку недели и тој ми кажа дека нема врска дали Маркус ќе игра или не, бидејќи верува во детето и детето ќе оди на Светското првенство. Затоа и Маркус и навивачите можат да бидат мирни. Маркус постигна два гола против првокласен противник и секако беше клучен во мечот. Добро ја искористи својата шанса“, вели Мурињо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.