Црна хроника
САД ќе платат 190 млн долари на жртвите на налудничавиот гинеколог
Еден од најреномирани медицински факултети во САД ќе исплати 190 милиони долари на илјадници жртви на налудничав гинеколог кој своите пациентки ги снимал без нивно знаење.
Адвокатите кои застапуваа околу 8.500 тужителки изјавија дека судот во Балтимор, каде се наоѓа славниот универзитет „Џон Хопкинс“ на кој има и студии по медицина, го прифатил барањето за отштета.Никита Леви, гинеколог кој повеќе година работел на „Џон Хопкинс“, ги фотографирал и снимал своите пациентки со минијатурен фотоапарат сокриен во пенкало. Леви во февруари 2013 година изврши самоубиство, две седмици пред да избувне скандалот. Полицијата во неговиот приватен компјутер пронашла „големо количество докази“.Коа дознале што правел докторот Леви, „нашите клиентки беа понижени“. „Сега, благодарејќи на отштетата, ќе може да започне процесот на лекување“, се вели соопштението на адвокатите./крај/мф/снu.
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
131 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 131 меркa, меѓу кои за возење без возачка дозвола 17 санкции, 14 мерки за непочитување на брзината на движење, девет мерки за користење мобилен телефон при возење, осум санкции за минување на затворен сигнал – црвено светло…
Сообраќајните контроли продолжуваат и во наредните денови.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.