Црна хроника
Двајца Сиријци ограбиле вработена во МВР
Единицата за општ криминал до надлежното ОЈО Скопје со кривична пријава ги предаде лицата З.И. (18) и М.Е.А. (30) од Сирија, и двајцата со место на привремен престој во Скопје – Прифатен Центар за Азил, поради извршено кривично дело – „тешка кражба на дрзок начин”.
Од страна на судија на претходна постапка на двете лица им е одредена мерка притвор во траење од 8 дена, при што М.Е.А. е предаден на надлежен орган за издржување на мерката, додека З.И. е во бегство и по истиот се трага.
Горепријавените кривично дело го извршиле на 27 овој месец година околу 20 часот на бул. „ВМРО” на подрачје на ПС ОН Центар, при што од оштетената, инаку вработена во Министерството за внатрешни работи, одзеле женска ташна во која имало паричник со лични документи, кредитни картички, пари и две службени картици од кои едната картичка – сертификат за пристап до строго доверливи информации и службена легитимација од МВР на РМ, како и други предмети со што се стекнале со противправна имотна корист од околу 10 илјади денари.
Пријавените кривичното дело го извршиле на тој начин што и се приближиле на оштетената додека таа била во службено возило марка „Поло” на паркингот пред зградата на Т-Мобиле, при што второпријавениот М.Е.А. и го отргнувал вниманието на оштетената поставувајќи и разни прашања, а првопријавениот З.И. насилно, со употреба на физичка сила и ја грабнал ташната од рацете на оштетената која седела на возачкото седиште во возилото по што заедно со второпријавениот се дале во бегство во непознат правец.
Непосредно по извршувањето на кривичното дело од страна на полициски службеници од АЛФА на бул.„ВМРО” извршено е легитимирање врз второпријавениот М.Е.А. при што е лишен од слобода и приведен во ПС од ОН ,,Центар”, додека првопријавениот се дал во бегство во непознат правец.
Во ПС ОН „Бит Пазар” извршено е класично, непосредно препознавање каде оштетената го препознала второпријавениот како сторител на кривичното дело – “тешка кражба на дрзок начин”. /крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Млад скопјанец предизвика две сообраќајки бегајќи од полицијата, со себе носел марихуана
Две сообраќајни незгоди предизвикал 26-годишен скопјанец кој не сакал да застане на даден знак од полициските службеници.
Момчето, со иницијали К.Ј. управувајќи пунто, синоќа по полноќ, бегајќи од полицијата удрило во два автомобили управувани од 26 и 23-годишни лица кои се здобиле со полесни повреди.
К.Ј. не застанал ни по судирот. Продолжил за вози пришто удрил во „дачија“ и направил материјална штета, соопшти МВР.
Откако бил пронајден, при преглед во неговото возило била пронајдена и одземена марихуана.
По целосно документирање на случајот ќе следува соодветен поднесок, велат од Министерството во дневниот полициски билтен.
Црна хроника
Скопјанец најден починат во „бмв“ на паркинг
Вчера на паркинг во Гази Баба, во патничко возило „бмв“ со скопски регистарски ознаки бил пронајден починат Б.Ќ.(54) од Скопје.
Лекар од Итната медицинска помош констатирал смрт без видливи знаци на насилство.
По наредба на јавен обвинител, телото на починатиот било предадено на обдукција.
Извршен бил увид.
Црна хроника
При претреси во Скопје пронајден амфетамин
Денеска во 10.15 часот од страна на полициски службеници од Единицата за недозволена трговија при СВР Скопје, по претходно добиена судска наредба од Основен кривичен суд Скопје, бил извршен претрес во домот на З.В.(34) во с.Волково, скопско.
Тој претходно на подрачјето на Центар бил лишен од слобода од страна на полициски службеници од Единицата за интервентна полиција при СВР Скопје, поради тоа што кај него биле пронајдени и одземени амфетамин, дигитална вага и нож, а при претресот исто така биле пронајдени и одземени амфетамин и дигитална вага. По целосно документирање на случајот, ќе следува кривична пријава по чл.215 од КЗ.
На 25.12.2024 во 16.20 часот од страна на полициски службеници од Единицата за недозволена трговија при СВР Скопје, по претходно добиена судска наредба од Основен кривичен суд Скопје, бил извршен претрес во домот на Р.П.(40) од Скопје, на подрачјето на Гази Баба, при што биле пронајдени и одземени амфетамин, дигитална вага и нож.
Тој бил лишен од слобода и по целосно документирање на случајот ќе следува кривична пријава по чл.215 од КЗ на РСМ.