Спорт
Салах најмногу ја зголемил својата пазарна вредност, СМС е деветти
Истражувањата на „Фудбалската група“ на Интернационалниот центар за спортски студии (ЦИЕС) ги објави резултатите од своето најново истражување.
Организацијата од Нојшател која детално се занимава со сите статистички податоци во светот на фудбалот, во с…

Истражувањата на Фудбалската група на Интернационалниот центар за спортски студии (ЦИЕС) ги објави резултатите од своето најново истражување.
Организацијата од Нојшател, која детаљно се занимава со сите статистички податоци во светот на фудбалот, во своето последно истражување се занимава со зголемувањето на вредноста на фудбалерите во најсилните пет европски првенства.
Истражувањето на ЦИЕС ги опфаќа изминатите шест месеци.
Најмногу својата вредност на фудбалскиот пазар, според истражувањето на ЦИЕС, ја зголемил напаѓачот на Ливерпул, Мохамед Салах. Цента на Салаха пораснала 74,7 милиони евра и тој на фудбалскиот пазар сега вреди 162,8 милиона евра.
Голем скок бележи и голманот на Манчестер сити, Едерсон, за кого минатото лето „граѓаните“ платија 24,3 милиони евра. Едерсон сега е проценет на 98,7 милиони евра.
Во топ-5 на ова истражување се наоѓаат уште двајца играчи на Манчестер сити, Лирој Сане и Габриел Жесус.
Сане е на третата позиција. Во однос на септември минатата година неговата вредност пораснала 63 милиони евра, односно, според ЦИЕС, тој сега вреди 151,2 милион евра.
Жесус за коог Сити плати 52,8 милиони евра, сега е проценет на 105,9 милиони евра.
Меѓу играчите на Сити, на четвртото место се смести тинејџерот од ПСЖ, Килијан Мбапе, неговата вредност пораснала 54,7 милиони евра. Францускиот репрезентативец сега вреди 188,5 милиони евра.
На листата на ЦИЕС, на која има 50 имиња, Балканот го преставуваат двајца репрезентативци на Србија: Сергеј Милинковиќ-Савиќ (СМС) и Немања Матиќ.
Милинковиќ-Савиќ е на деветтото место, вредноста му се зголемила 40,7 милиони евра и во однос на септември минатата година тој има вредност од 70,5 милиони евра.
Матиќ е на 24. место, вреди 29,5 милиони евра повеќе од времето кога го направи трансферот во Манчестер јунајтед. Цената на Матиќ изнесува 60,3 милиони евра.


©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos
Спорт
Левандовски ке ја „жртвува“ платата за да остане во Барселона
Роберт Левандовски не сака да ја напушти Барселона и верува дека сè уште има вештини да остане барем уште една сезона.
Според денешните информации од каталонските медиуми, неговиот агент Пини Захави бил во Барселона за време на викендот и во таа прилика се сретнал со Џоан Лапорта.
Не е тајна дека Захави и Лапорта се во одлични односи, па Левандовски сакал да го искористи тоа за што поскоро да го дознае својот потенцијален статус, но и да порача преку својот менаџер дека е подготвен да прифати значително намалување на платата за да остане до летото 2027 година.
Кога Полјакот пристигна во Барселона во летото 2022 година како профилиран напаѓач и еден од најдобрите во Европа, тој доби огромна плата, која дури и растеше со текот на времето, па сега е убедливо најплатен во тимот, иако е и најстар.
Левандовски е под договор до јуни 2026 година и сака да потпише за уште една сезона со значително намалување на платата, што би можело да биде клучен чекор во преговорите со Лапорта.
Да потсетиме, Барселона сè уште има проблем со финансискиот фер-плеј, и не е во можност да сонува за скапи засилувања, а Левандовски ја прифаќа улогата од клупата и да биде план Б, зад Феран Торес.
Спорт
Зидан се договорил со Фудбалската федерација на Франција
Зинедин Зидан постигнал договор да ја преземе француската репрезентација, тврди фудбалскиот инсајдер Фабрицио Романо.
Многу пати, познатиот фудбалер нагласувал дека негов голем сон е да ја води фудбалската репрезентација на Франција.
Сонот ќе му се оствари, бидејќи Зидан се смета за единствен наследник на Дидие Дешан на таа позиција.
Дешан веќе објави дека ќе се повлече од селекторската позиција по Светското првенство, и може да се каже дека Зидан е најблиску до селекторската функција.
Поранешниот светски и европски шампион со француската репрезентација во својата кариера го водеше само Реал Мадрид, со кого успеа да освои три последователни Лиги на шампиони, што никој друг не успеа.
Од 2021 година, кога се раздели со „кралскиот клуб“, во својот втор мандат, тој немал клуб.
Foto/ depositphotos

