Спорт
Мурињо: Тоа е фудбалот, утре е нов ден, нема време за драма
Менаџерот на Манчестер јунајтед, Жозе Мурињо не бараше оправдувања за поразот на неговиот клуб од Севилја и елиминацијата во осминафиналето на Лигата на шампионите.
„Нормално дека првиот гол ќе беше екстремно важен, не само по резултатот од првиот меч,…
Менаџерот на Манчестер јунајтед, Жозе Мурињо не бараше оправдувања за поразот на неговиот клуб од Севилја и елиминацијата во осминафиналето на Лигата на шампионите.
„Нормално дека првиот гол ќе беше екстремно важен, не само по резултатот од првиот меч, туку поради тоа што се работи за Лига на шампионите. Се обидовме да бидеме агресивни од првата минута, но не постигнавме гол, и Севилја полека ја држеше топката и ја контролираше играта. Имавме неколку добри шанси, но откако тие постигнаа гол, сè стана многу поемоционално. Вториот гол ги направи работите невозможни. Имавме добри периоди, немавме голема контрола на натпреварот, но немаше ништо лошо во моите играчи и нивната желба за борба“, изјави Мурињо.
Тој, сепак, не ја сфаќа елиминацијата толку сериозно, иако таа значи дека Манчестер јунајтед сега е во „игра“ за само една титула – таа од ФА купот, каде што се четврт-финалето.
„Тоа е фудбалот, загубивме, но утре е друг ден, а во сабота имаме нов меч. Среќен сум што играчите не ја криеја својата тага, но навистина немаме време за драма“, додаде Мурињо.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.