Црна хроника
Го нападнал семејството на девојката со која избегал
Четириесет и двегодишниот Д. Ш. од Куманово пријавил дека во населбата Шуто Оризари, тој и неговото семејство биле физички нападнати од Б. Џ. (22) од Скопје и уште неколку непознати лица. Нападнатиот заминал на договорена средба со Б. Џ., со кого претходно побегнала неговата 19-годишна ќерка.
Кога стигнал со неговото возило „голф 3“ со кумановски регистарски ознаки, заедно со неговата сопруга, брат му и неговиот 17-годишен син, го забележале Б.Џ. со повеќе непознати лица. Тој веднаш почнал да го удира таткото на сопругата со дрво и му нанел телесни повреди во пределот на главата и телото. Потоа се придружиле и другите лица, кои физички ги нападнале сите лица во возилото „голф“ удирајќи ги со рацете и нозете по главите и телата. Б.Џ подоцна зел и секира, но семејството на бегалката успеало да се оддалечи.
Членовите на семејствто со итна медицинска помош биле пренесени во Градската општа болница „Св. Климент Охридски“.
Се преземаат мерки за целосно расчистување на случајот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.