Спорт
Меси го „збудале“ Куртоа и го исфрли Челси (видео)
Лео Меси пред двомечот со Челси немаше постигнато гол против актуелниот англиски шампион, а сега може да се пофали дека има три гола во два меча, откако на „Ноу Камп“, Барселона стигна до 3:0 победа и пласман во четврт-финалето на Лигата на шампионите….
Лео Меси пред двомечот со Челси немаше постигнато гол против актуелниот англиски шампион, а сега може да се пофали дека има три гола во два меча, откако на „Ноу Камп“, Барселона стигна до 3:0 победа и пласман во четврт-финалето на Лигата на шампионите.
По првите 90 минути во Лондон, резултатот беше 1:1 и Челси дојде во Каталонија да се надигрува, пред уште во третата минута да добие студен туш – Меси ја искористи лошата проценка на одбраната на „сините“, и му ја протна топката низ нозе на Тибо Куртоа за водство од 1:0.
Иако имаа неколку шанси, Челси веќе имаа речиси невозможна мисија кога во 20-тата минута Усман Дембеле по асистенција на Меси го зголеми водството на 2:0. Сепак, двомечот уште беше во игра и Челси реши да влезе храбро и да „брка“ еден гол со кој работите ќе беа поинакви – 2:2 резултат ќе ги носеше гостите во четврт-финале. Маркос Алонсо во 37. минута имаше одличен обид, а во финишот на полувремето од слободен удар ја погоди надворешната страна на дирекот.
На почетокот на второто полувреме, играчите на Челси бараа пенал кога Оливие Жиру беше соборен од Жерар Пике во шестнаесетникот, но судијата одлучи да му даде жолт картон на францускиот напаѓач за коментирање.
Андре Гомеш во 61. минута доби неочекувана шанса за настап по повредата на Серхио Бускетс, откако тој во драматично интервју се жалеше на состојбата во која се наоѓа во Блауграна.
Во 63. минута, Меси стави крај на сите надежи за хероизам на Челси на „Ноу Камп“, откако успеа да извлече тројца дефанзивци по него и повторно да му ја „протне“ топката низ нозе на Тибо Куртоа за прослава на својот јубилеен 100. гол во Лигата на шампионите.
Soaking up the adulation after your 100th #UCL goal ?
Favourite Messi goal? pic.twitter.com/4rtldPoN3w
— UEFA Champions League (@ChampionsLeague) March 14, 2018
По Манчестер јунајтед и Тотенхем, Челси е третиот англиски тим кој „паѓа“ во осминафиналето, оставајќи ги Ливерпул и Манчестер сити во игра, додека Барселона се приклучува на Реал Мадрид и на Севилја меѓу најдобрите осум. Ждрепката е в петок.
Фото: ЕПА
ЧЕТВРТФИНАЛИСТИ ВО ЛШ
Барселона (Шпа)
Реал Мадрид (Шпа)
Севилја (Шпа)
Јувентус (Ита)
Рома (Ита)
Манчестер сити (Анг)
Ливерпул (Анг)
Баерн Минхен (Гер)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.