Спорт
Вајратер ја продолжи семејната традиција (видео)
Тина Вајратер ја одбрани својата титула од Светскиот куп во супер-џи, и покрај тоа што беше само шеста на последната трка во Оре, Шведска, каде што до победата стигна Италијанката Софија Гоџија.
Скијачката од Лихтенштајн го обезбеди глобусот откако Шва…

Тина Вајратер ја одбрани својата титула од Светскиот куп во супер-џи, и покрај тоа што беше само шеста на последната трка во Оре, Шведска, каде што до победата стигна Италијанката Софија Гоџија.
Скијачката од Лихтенштајн го обезбеди глобусот откако Швајцарката Лара Гут, единствена која можеше да и го одземе првото место излета од патеката. Италијанката Гоџија, која вчера ја освои титулата во спуст, стигна до победа со 1:07.92, пред Германката Викторија Ребензбург (+0.32) и Американката Линдзи Вон (+0.53).
Вајратер има 461 освоени поени пред Гут со 375, додека Австријката Ана Фајт е трета со 339 поени. Со титулата, Вајратер додава на семејното „благо“ – на седумте мали кристални глобуси на нејзината мајка, Хани Венцел, три на нејзиниот вујко, Андреас Венцел, и една на нејзиниот татко, Харти Вајратер.
NON SI FERMA PIÙ SOFIA GOGGIA ????
L’azzurra vince alla grande il Super-G di Åre, è il quinto successo in Coppa del Mondo per lei! Quinta Federica Brignone ?#EurosportSCI | https://t.co/gDw7vWrJ4v pic.twitter.com/4HUFXFetmW
— Eurosport IT (@Eurosport_IT) March 15, 2018
Во машката супер-џи трка, Австриецот Винсент Крихмаер стигна до втората победа во исто толку денови, со тесни 0.04 секунди пред Италијанецот Криштоф Инерхофер, додека Норвежанецот Аксел Лунд Свиндал и Германецот Томас Дресен го поделија третото место со 0.08 секунди послабо време.
‘That was near-perfect from start to finish!’ ?
Vincent Kriechmayr ends the season in style doing the double in Sweden ? pic.twitter.com/ifBizoCjRn
— Eurosport UK (@Eurosport_UK) March 15, 2018
Крихмаер, кој во средата го подели триумфот во спустот во Оре со сонародникот Матијас Маер, сега има три победи во кариерата, откако првата ја оствари на супер-џи трката во Бивер Крик во декември.
Кјетил Јансруд, кој веќе го имаше освоено кристалниот глобус, беше само шести, завршувајќи ја сезоната со 80 поени пред Крихмаер во генерален пласман.
„Сезоната беше навистина добра. Започнав со победа и бев на подиумот на доста трки, но добро што титулата ја освои пред оваа трка ако се погледаат резултатите“, вели Јансруд.
Свиндал има четири титули во супер-џи, Јансруд три, така што Норвешка има седум сезони со титула во супер-џи.
The third Super-G globe for @Kjansrud! ? pic.twitter.com/nfGd9Wb6J8
— Eurosport UK (@Eurosport_UK) March 15, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos
Спорт
Левандовски ке ја „жртвува“ платата за да остане во Барселона
Роберт Левандовски не сака да ја напушти Барселона и верува дека сè уште има вештини да остане барем уште една сезона.
Според денешните информации од каталонските медиуми, неговиот агент Пини Захави бил во Барселона за време на викендот и во таа прилика се сретнал со Џоан Лапорта.
Не е тајна дека Захави и Лапорта се во одлични односи, па Левандовски сакал да го искористи тоа за што поскоро да го дознае својот потенцијален статус, но и да порача преку својот менаџер дека е подготвен да прифати значително намалување на платата за да остане до летото 2027 година.
Кога Полјакот пристигна во Барселона во летото 2022 година како профилиран напаѓач и еден од најдобрите во Европа, тој доби огромна плата, која дури и растеше со текот на времето, па сега е убедливо најплатен во тимот, иако е и најстар.
Левандовски е под договор до јуни 2026 година и сака да потпише за уште една сезона со значително намалување на платата, што би можело да биде клучен чекор во преговорите со Лапорта.
Да потсетиме, Барселона сè уште има проблем со финансискиот фер-плеј, и не е во можност да сонува за скапи засилувања, а Левандовски ја прифаќа улогата од клупата и да биде план Б, зад Феран Торес.
Спорт
Зидан се договорил со Фудбалската федерација на Франција
Зинедин Зидан постигнал договор да ја преземе француската репрезентација, тврди фудбалскиот инсајдер Фабрицио Романо.
Многу пати, познатиот фудбалер нагласувал дека негов голем сон е да ја води фудбалската репрезентација на Франција.
Сонот ќе му се оствари, бидејќи Зидан се смета за единствен наследник на Дидие Дешан на таа позиција.
Дешан веќе објави дека ќе се повлече од селекторската позиција по Светското првенство, и може да се каже дека Зидан е најблиску до селекторската функција.
Поранешниот светски и европски шампион со француската репрезентација во својата кариера го водеше само Реал Мадрид, со кого успеа да освои три последователни Лиги на шампиони, што никој друг не успеа.
Од 2021 година, кога се раздели со „кралскиот клуб“, во својот втор мандат, тој немал клуб.
Foto/ depositphotos

