Спорт
Лацио со голема победа во Украина, Спортинг без Ристовски преживуваше во Плзењ (видео)
Лацио се квалификуваше во четврт-финалето на Лигата на Европа, откако со 2:0 триумфираше на гостувањето кај Динамо Киев за да надополни за слабиот прв натпревар во Италија, кој заврши со 2:2.
Лукас Леива во 23. минута донесе водство за гостите, за резу…
![](https://makfax.com.mk/wp-content/uploads/2018/03/0b861d2cfe0e43212f2d304035509d7a.jpg)
![epa06606439 Lazio players celebrate after Lucas scored the 1-0 during the UEFA Europa League round of 16, second leg soccer match between FC Dynamo Kiev and SS Lazio in Kiev, Ukraine, 15 March 2018. EPA-EFE/SERGEY DOLZHENKO](http://makfax.com.mk/wp-content/uploads/2018/03/0b861d2cfe0e43212f2d304035509d7a.jpg)
Лацио се квалификуваше во четврт-финалето на Лигата на Европа, откако со 2:0 триумфираше на гостувањето кај Динамо Киев за да надополни за слабиот прв натпревар во Италија, кој заврши со 2:2.
Лукас Леива во 23. минута донесе водство за гостите, за резултат со кој Лацио веќе беше во четврт-финалето, за во 82. минута победата да ја потврди Стефан де Фрај.
Олимпик Марсеј и вторпат го победи Атлетик Билбао, овојпат во Баскија со 1:2 за да се пласира понатаму со вкупни 2:5, додека Лајпциг успеа да остане непоразен на гостувањето во Санкт Петерсбург, и тие 1:1 беа доволни германскиот вице-шампион да го помине Зенит по домашната победа од 2:1.
Спортинг Лисабон, без македонскиот репрезентативец Стефан Ристовски во составот, преживеа вистинска драма во Чешка, откако дури по продолжението се пласираше во четврт-финалето.
Спортинг имаше 2:0 предност по првиот натпревар, но Чесите го надополнија ова во регуларниот дел, а португалскиот тим во 90. минута утна пенал преку Баст Дост за домаќините да примораат продолжение. Родриго Батаља ги спаси Спортинг во 105. минута.
Фото: ЕПА
ЛИГА НА ЕВРОПА, 1/8 ФИНАЛЕ, 2.МЕЧ
Локомотив Москва – АТЛЕТИКО МАДРИД 1:5
Прв меч: 0:3, вкупен резултат 1:8
Атлетик Билбао – МАРСЕЈ 1:2
Прв меч: 1:3, вкупен резултат 2:5
Динамо Киев – ЛАЦИО 0:2
Прв меч: 2:2, вкупен резултат 2:4
Викторија Плзењ – СПОРТИНГ ЛИСАБОН 2:1
Прв меч: 0:2, вкупен резултат 2:3
Зенит Санкт Петербург – РБ ЛАЈПЦИГ 1:1
Прв меч: 1:2, вкупен резултат 2:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Ејтон за „натпреварот на животот“ против Шпанците: „Поважен од финалето во НБА“
![](https://makfax.com.mk/wp-content/uploads/2024/07/Screenshot-2024-07-07-103911.jpg)
Бахамскиот кошаркар Диандре Ејтон и неговите соиграчи имаат историска можност да се пласираат на Олимписките игри во Париз.
За таа цел потребна им е само уште една победа, во финалето на турнирот во Валенсија против домаќинот Шпанија, што секако ќе биде најтешкиот можен предизвик за островската репрезентација.
Во полуфиналето Бахамите го совладаа Либан со 89:72, а Шпанците многу потешко ја победија Финска – 81:74.
Финска беше на прагот на сензација – Шпанија едвај се пласираше во финалето
А од овој турнир, како и од останатите три, само една селекција оди во Париз.
Ова е навистина голема работа“, изјави по мечот Ејтон, најдобриот, најефикасниот играч на Бахамите со 24 поени и 15 скока.
„Ова е поголемо од кое било финале на Западната конференција во НБА, бидејќи се борите за својата земја, а има момци како нас кои не се платени за да го направат ова“, рече центарот на Портланд, кој има просек од 20,3 поени и 11 скока. по натпревар во квалификациите.
Ејтон, да потсетиме, беше учесник во финалето на НБА во 2021 година со Феникс, а потоа беше поразен од Бакс.
Сега, тој чувствува дека место со Бахамите на Олимпијадата би било поголемо од се, од кој било резултат што го постигнал на клупско ниво.
Натпреварот меѓу Шпанија и Бахамите се игра во недела од 20:30 часот.
Спорт
(Видео) Турците во Холандија направија хаос по натпреварот: брутална тепачка, полицијата опсипана со огномет
![](https://makfax.com.mk/wp-content/uploads/2024/07/Screenshot-2024-07-07-103505.jpg)
Навивачите на репрезентацијата на Турција и Холандија физички се пресметаа на улиците на Германија и Холандија по четвртфиналниот натпревар на Европското првенство.
Холанѓаните го обезбедија пласманот во полуфиналето по големиот пресврт во вториот дел и два гола за кратко.
Резултатот беше 2:1, а турските навивачи разочарани го напуштија стадионот во Берлин.
За жал, кога на улиците на главниот град на Германија се сретнаа големи групи навивачи, дојде до судири.
Турските навивачи очигледно тешко го прифатија поразот откако нивниот тим имаше предност на полувремето, а со евентуални провокации од другата страна, јасно е дека инцидентот лесно се случи.
Посериозно беше во Холандија, најжестоко, изгледа, во Ајндховен, каде во судир меѓу навивачите на двете репрезентации летаа столчиња.
На социјалните мрежи се појавија видеа од нивната тепачка, а како што пренесува холандскиот „omroepwest.nl“, полицијата и воената полиција морале да реагираат во Хаг.
Полицијата за немири и Кралската воена полиција ја извршија рацијата околу полноќ.
„Доста е, оди дома, отсели се, или ќе се употреби сила“, извика еден офицер.
По нападот, на патот постојано доаѓаа нови луѓе.
„Игра на мачка и глушец“, ја нарече еден репортер од споменатиот портал. Само околу 00:45 часот мирот полека се врати во Хаг.
Netherlands vs Turkey 🇳🇱🇹🇷👊 pic.twitter.com/qh1GkCu2pz
— Football Fights (@footbalIfights) July 6, 2024
Спорт
(Видео) „Брутално“ – Англичанец нокаутира Хрват за 28 секунди
![](https://makfax.com.mk/wp-content/uploads/2024/07/Screenshot-2024-07-07-102910.jpg)
Англискиот боксер Џони Фишер го нокаутира хрватскиот борец Ален Бабиќ за 28 секунди во Лондон, поточно во „Copper Box Arena“.
Ова беше најбрзиот нокаут во кариерата на Фишер, а познат е и по прекарот „Бикот од Ромфорд“.
Силните удари кои Британецот ги упати во главата на Бабиќ беа прецизни и пресилни за хрватскиот боксер на нозе да го издржи налетот под кој се наоѓаше.
Бабиќ нешто по полноќ го забележа вториот пораз во 14. меч во професионалната кариера, а тоа беше 12. победа во исто толку борби за големата надеж на британскиот бокс.
Истата вечер, можете да гледате боксерски натпревар помеѓу две пензионирани ММА ѕвезди – Нејт Дијаз и Хорхе Масвидал.
Нејт Дијаз ја прослави одлуката на судиите, а многу фанови веруваат дека Масвидал всушност победил.
The ringside angle of 𝗧𝗛𝗔𝗧 @johnnyfisherbox KO ☠️#FisherBabic pic.twitter.com/mQoczqpxNu
— DAZN Boxing (@DAZNBoxing) July 6, 2024