Црна хроника
Во два дена втора жртва од превртување на трактор
Во текот на вчерашниот ден, во сообраќајна незгода со трактор, животот го загубил дваесет и двегодишниот В.Ш од село Поповјани.
Како што информираат од полицијата, незгодата се случила во Кичево на локалниот пат кон село Папрадиште. Притоа, В.Ш, управувајќи трактор со приколка во која бил Н.Ш. (41) изгубил контрола над возилото и се превртел, по што Н.Ш. скокнал од приколката, а В.Ш. бил нагмчен од тракторот и починал на самото место. Увид на местото на настанот извршиле Јавен обвинител и увидна екипа од Полициската станица Кичево.
Инаку, ова е втор случај на смрт на тракторист за само два дена. Во петокот на сличен начин загина и 62-годишниот М.Б. од село Мокрино, откако тракторот му се превртел додека работел на нива.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Повторно насилство во „Идризово“: затвореник со тешки повреди заврши во болница
Нов случај на насилство помеѓу затвореници е забележан вчера во Казнено-поправната установа Затвор Идризово.
Од полицијата велат дека се работи за физичка пресметка меѓу две групи на затвореници, а едно лице е тешко повредено.
„Осуденикот Х.Ф.(29) од Студеничани, Скопско, се здобил со тешки телесни повреди, констатирани во Градската општа болница ‘8 Септември’ во Скопје“, велат од МВР, додавајќи дека се преземаат мерки за расчистување на случајот.
Насилство во затворот имаше и пред два дена, кога осуденикот Ѓ.М.(43) од Скопје бил физички нападнат од осуденикот К.Ф.(40) од Гостивар.
Црна хроника
Син го нападнал својот татко во Карпош
Педесет и петгодишен маж бил нападнат од својот син во домот на подрачјето на Карпош.
Случајот бил пријавен во МВР во текот на вчерашниот ден.
Се преземаат мерки за негово расчистување.
Црна хроника
Maж најден починат во напуштен објект во центарот на Скопје
Во напуштен објект на подрачјето на Центар во Скопје било пронајдено починато машко лице, објави МВР.
Од страна на лекар од Итната медицинска помош била констатирана смрт и извршен е увид.
Засега нема информации за идентитетот на мажот, ниту дали смртта е насилна. Телото на починатиот е дадено на обдукција.